Tımofeı Skatov Rolan Garros týrnırinde utylyp qaldy
2022 jylǵy 18 mamyr 16:39

Tımofeı Skatov Rolan Garros týrnırinde utylyp qaldy

NUR-SULTAN. QazAqparat – Qazaqstandyq, álemniń 191-raketkasy Tımofeı Skatov Parıjde Rolan Garros týrnırinde utylyp qaldy, dep habarlaıdy QazAqparat tilshisi.

Qazaqstandyq tennısshi irikteý saıystarynyń jartylaı fınalynda dúnıejúzilik reıtıngte 203-orynda turǵan argentınalyq Santıago Rodrıges Tavernemen kezdesti.

Tımofeı Skatov qarsylasyna 5:7, 1:6 esebimen ese jiberdi.

Saǵat jarymǵa jýyq sozylǵan básekede argentınalyq sportshy 7 eıs jasap, 10 breık-poınttyń teń jartysyn paıdalandy. Tımofeı 1 eıs, 1 breıkten asa almady.

Osylaısha, T. Skatov negizgi týrnırge óte almady.

Bıyl Frantsııa ashyq chempıonatynda jekeleı synda áıelderden Elena Rybakına men ıÝlııa Pýtıntseva, erlerden Aleksandr Býblık óner kórsetedi.

Juptyq synda Andreı Golýbev, Anna Danılına, Aleksandr Nedovesov Qazaqstan atynan shyǵady.

Eske sala keteıik, budan buryn qazaqstandyq tennısshiniń Shymkent týrnıriniń ekinshi aınalymyna shyqqanyn jazǵan bolatynbyz.


Uqsas jańalyqtar

Jańalyqtar

MURAǴAT