Tileýberdi: 30 jyl ishinde syrtqy saıası vedomstvo kásibı kadrlyq apparat qalyptastyrdy
2022 jylǵy 1 shilde 13:22

Tileýberdi: 30 jyl ishinde syrtqy saıası vedomstvo kásibı kadrlyq apparat qalyptastyrdy

NUR-SULTAN. QazAqparat - Sońǵy 30 jyl ishinde syrtqy saıası vedomstvo kásibı kadrlyq apparatty qalyptastyrdy. Bul týraly «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda QR Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Syrtqy qatynastar organdary qyzmetiniń uıymdyq-quqyqtyq negizderin jasaý boıynsha mańyzdy jumys atqaryldy – mınıstrliktiń mindetteri men fýnktsııalaryn aıqyndaǵan «Dıplomatııalyq qyzmeti týraly» zań ázirlenip, SІM-niń Almatydaǵy ókildiginiń quqyqtyq mártebesi bekitildi. Sońǵy 30 jyl ishinde syrtqy saıası vedomstvo kásibı kadrlyq apparatty qalyptastyrdy», - dedi mınıstr.

Onyń atap ótýinshe, mınıstrlik kadrlyq saıasatta genderlik teńgerim jáne teń múmkindikter ornatý boıynsha turaqty jumys istep jatyr.

«Otandyq dıplomatııalyq qyzmettiń qalyptasýyna áıel áriptesterimiz de atsalysyp, ortalyq apparatta joǵary laýazymdarǵa taǵaıyndalyp, shet elderdegi dıplomatııalyq mıssııalardy basqarady. Qazirgi ýaqytta mınıstrliktiń ortalyq apparatynda 137 áıel jumys isteıdi. Bul qyzmetkerlerdiń jalpy sanynyń 32 paıyzyn quraıdy. Dıplomatııalyq qyzmettegi áıelderdiń úlesin moıyndap, bıyl Birikken Ulttar Uıymy 24 maýsymdy «Dıplomatııadaǵy áıelder halyqaralyq kúni» dep jarııalaǵanyn erekshe atap ótkim keledi», - dedi Muhtar Tileýberdi.


Uqsas jańalyqtar

Jańalyqtar

Úrdis

MURAǴAT