+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

TiJi telearnasynyń mýltfılmderi qazaq tilinde kórsetiledi

2021 jylǵy 27 qyrkúıek 18:21
Bólisińiz:
TiJi telearnasynyń mýltfılmderi qazaq tilinde kórsetiledi

NUR-SULTAN. QazAqparat - Búgin Aqparat jáne qoǵamdyq damý mınıstri Aıda Balaevanyń «Groupe M6» kompanııasynyń telearnalar men radıostantsııalar portfelin halyqaralyq dıstrıbýtsııalaý jónindegi dırektory Jan-Rene Okýtıýremen jáne «Ltı Vostok» bas dırektory Marııa Jabına-Pantelıkpen jemisti kezdesýi ótti.

Taraptar balalardyń tanymal mýltıplıkatsııalyq arnalaryn, atap aıtqanda, «TiJi» telearnasyn qazaq tiline aýdarý boıynsha yntymaqtastyqtyń damytý perspektıvalaryn talqylady.

Bul memlekettik tildegi balalar kontentin arttyrýdaǵy mańyzdy qadam bolmaq.

«Qazirgi aqparattyq ǵasyrda mýltfılmderdiń balaǵa áseri erekshe. Bul baǵytta elimizde úlken jumys atqarylyp jatyr. Osy saladaǵy jarqyn jobalardyń biri - balalar tutynatyn memlekettik tildegi kontentti ulǵaıtý maqsatynda tanymal balalar arnalarynyń mýltıplıkatsııasyn qazaq tiline aýdarý. Sizdiń arnańyzdyń osyndaı jobalardy iske asyrýdaǵy tájirıbesin jáne habar taratýdaǵy tilderiniń molshylyǵyn nazarǵa ala otyryp, bizdiń usynysymyzdy qabyldaǵanyńyzǵa qýanyshtymyn», - dep atap ótti mınıstr Aıda Balaeva.

Kezdesýge qatysýshylar ózara tıimdi qarym-qatynasty nyǵaıtý jáne odan ári jolǵa qoıý týraly nıetin rastaı otyryp, jan-jaqty yntymaqtastyqqa jáne birlesken jobalardy iske asyrýǵa daıyn ekenin bildirdi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059

MURAǴAT