+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Testileý kezinde basqa oqýshynyń ornyna UBT tapsyrmaq bolǵan 4 stýdent ustaldy

2021 jylǵy 14 maýsym 18:08
Bólisińiz:
Testileý kezinde basqa oqýshynyń ornyna UBT tapsyrmaq bolǵan 4 stýdent ustaldy

NUR-SULTAN. QazAqparat - Mektep túlekterin UBT-ǵa kirgizý kezinde Face-ID júıesi arqyly 4 bógde tulǵa anyqtaldy, dep habarlaıdy QazAqparat.

Osylaısha, 4 talapkerdiń ornyna testileýge elordalyq eki joǵary oqý ornynyń 4 stýdenti qatyspaq bolǵan.

Ol úshin jalǵan qujattar da jasalǵan. Degenmen, tulǵany tsıfrlyq sáıkestendirý Face-ID júıesi atalǵan kemshilikterdi anyqtaýǵa múmkindik berdi.

Bul júıe bıyl UBT tapsyratyn barlyq ortalyqta engizildi.

«Bógde tulǵalar aýdıtorııaǵa kire almady, óıtkeni UBT-ǵa kirgizý tulǵany sáıkestendirý Face ID baǵdarlamasy arqyly júrgiziledi. Baǵdarlama tipti egizderdi de anyqtaı alady. Ulttyq testileý ortalyǵynyń qyzmetkerleri UBT tapsyrý kezinde mektep oqýshylary tarapynan oryn alýy múmkin buzýshylyqtardy qalaı anyqtaý kerektigin jaqsy biledi. Testileýge óz ornyna bógde adamdy kirgizbek bolǵandardyń arasynda «Altyn belgi« ıegeri da bar», – dep atap ótti QR BǴM Ulttyq testileý ortalyǵy dırektorynyń mindetin atqarýshy Naýjan Dıdarbekova.

Testilenýshiler men bógde tulǵalarǵa qatysty aqparat quqyq qorǵaý organdaryna jiberildi.

Olarǵa qatysty QR Qylmystyq kodeksiniń 385-baby 2-bóligi boıynsha qylmystyq is qozǵaldy.

Bıyl UBT tapsyrý nysandarynda úsh satyly júıe engizilgen. Atap aıtsaq, testilenýshi jeke kýáligin kórsetedi, keıin Face-ID júıesinen ótedi.

Sondaı-aq árbir testileýshiniń aldynda kamera ornatylǵan.

Osy sharalardyń barlyǵy Ulttyq biryńǵaı testileýdi tapsyrý rásiminiń ashyqtyǵyn qamtamasyz etýge baǵyttalǵan.

Búgingi tańda ulttyq biryńǵaı testileýdi tapsyrǵandardyń sany - shamamen 150 myń adam.

Osy rette QR BǴM Ulttyq testileý ortalyǵy talapkerlerdi akademııalyq adaldyq qaǵıdalaryn saqtaýǵa shaqyrady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT