FÝTBOLDAN ÁLEM ChEMPIONATY-2022

Terrorızm týraly jalǵan habar bergen 28 adam jaýapqa tartyldy

2022 jylǵy 3 qazan, 17:28
Terrorızm týraly jalǵan habar bergen 28 adam jaýapqa tartyldy

ASTANA. QazAqparat – Jyl basynan beri terrorızm aktileri týraly túrli mekemelerge qasaqana jalǵan bergen 28 adam jazalanǵan, dep habarlaıdy QazAqparat tilshisi.

Bul týraly QR Іshki ister mınıstrliginiń ókili Shuǵyla Turlybek aıtyp berdi.

«Polıtsııa terrorızm aktileri týraly túrli mekemelerge qasaqana jalǵan habar bergen adamdardy anyqtap jatyr. 22 qyrkúıekte Almaty oblysynyń Іle aýdanynda úsh jalpy bilim beretin mekteptiń elektrondy poshtasyna jarylǵysh qurylǵylar týraly habarlamalar túsken. Kelesi kúni polıtsııa organdary UQK-men birlesip, osy qylmysty jasaǵan 12 jastaǵy oqýshyny tapty. Qylmystyq jaýapkershilik jasyna jetpeýine baılanysty oqýshyǵa qatysty qylmystyq is toqtatyldy. Biraq, onyń ata-anasy kámeletke tolmaǵan balany tárbıeleý jónindegi mindetterin oryndamaǵany úshin Ákimshilik quqyqbuzýshylyq týraly kodekstiń 127-baby boıynsha jaýapqa tartyldy, 10 AEK kóleminde aıyppul salyndy», - dedi Shuǵyla Turlybek aptalyq onlaın brıfıngide.

Onyń aıtýynsha, ınternette basqa adamdardyń atynan jedel qyzmetterge jappaı jalǵan habarlama jiberetin «svatıng» atty anonımdi qaýymdastyqtar jumys isteıdi. Onyń motıvteri de ár túrli – jeke kek, janjal, basqa adamǵa qıyndyq týǵyzýǵa umtylý.

«Qazaqstandyq oqýshylar arasynda da osyndaı toptarǵa qyzyǵýshylyq baıqalady. Sondyqtan, quqyq qorǵaý organdary ata-analardan balasynyń ınternettegi is-áreketine muqııat qaraýdy suraıdy. QR ІІM arnaıy organdarmen birlesip, shabýyldaýshylardyń IP mekenjaılaryn, akkaýnttaryn jáne basqa da málimetterin belgileý úshin sheteldik quqyq qorǵaý organdarymen, ınternet-provaıderlermen ózara jumys isteıdi. Tek keıingi 2 aıda ınternet arqyly jalǵan habarlamalar jibergen 5 adam anyqtaldy. Jyl basynan beri mundaı áreketter úshin 28 adam qylmystyq jaýapkershilikke tartyldy, olardyń 8-i bas bostandyǵynan aıyryldy», - dedi mınıstrlik ókili.


Uqsas jańalyqtar
Seriktester jańalyqtary

Jańalyqtar