+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Terezeden qulaǵan balany qutqarǵan stýdent oqý aqysyn tólemeıtin boldy

2020 jylǵy 27 mamyr 00:28
Bólisińiz:
Terezeden qulaǵan balany qutqarǵan stýdent oqý aqysyn tólemeıtin boldy

AQTÓBE. QazAqparat - Qostanaılyq Temirlan Ábdiǵalıev bir jyldyq oqý aqysyn tólemeıdi, dep habarlaıdy QazAqparat tilshisi.

Qostanaı oblysynda terezeden qulaǵan balany qutqarǵan stýdent Aqtóbedegi Báıishev joǵary medıtsınalyq kolledjinde bilim alady. Oǵan «Jas Otan» jastar qanaty alǵys aıtyp, stýdent Báıishev joǵary medıtsınalyq kolledjiniń bas dırektory Bekejan Ahannyń sheshimimen 1 jyldyq oqý aqysynan bosatyldy.

Al kolledj dırektory Baqyt Kúlbaeva adamgershilikke baýlyǵan ata-anasyna, mektebine alǵys hat joldady.

«Sol kúni shaı iship otyrǵan bolatynbyz. Anam kórshi úıdiń 3-qabatynan terezege shyǵyp turǵan balany baıqap qaldy. Dereý inim ekeýmiz dalaǵa júgirdik. Úıdiń terezesine jaqyndaǵanda qorqyp turǵan balany kórdim. Sodan keıin ol tómen qaraı qulap ketti. Al men qaǵyp aldym», - deıdi Temirlan.

«Jas Otan» JQ AOF tóraǵasy Asyljan Búrkitalın zamandasynyń isi jastarǵa úlgi ekenin aıtty.

«Temirlan - erjúrek batyrlardyń urpaǵy. Onyń erligin biz barsha jastarǵa úlgi etemiz. Búkil jastardyń aldynda batyrdyń qolyn alar edim, alaıda indettiń taralýy qolbaılaý bolyp otyr», - deıdi Asyljan Búrkitalın.

Kolledj dırektorynyń tárbıe isi jónindegi orynbasary Dınara Imanova-Medeýbaeva da Temirlannan jaqsy maman shyǵatynyna senimdi.

«Temirlan – janashyr, aqkóńil jan. Erekshe jaǵdaıda sheshim qabyldaýǵa qabiletti. Jaýapkershiligi mol», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT