+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Terekti aýdany ortalyǵynda qazaq tilinde bilim beretin mektep jańa ǵımaratqa qonystanatyn bolady

2009 jylǵy 19 tamyz 11:59
Bólisińiz:

ORAL. Tamyzdyń 19-y. QazAqparat /Ǵaısaǵalı Eraly/ - BQO-nyń Terekti aýdanynyń ortalyǵy Fedorov aýylynda jyl aıaǵyna deıin qazaq tilinde bilim beretin mektep jańa ǵımaratqa qonystanatyn bolady.


Bul týraly osy óńirde memlekettik tildi ornyqtyrý máselelerine arnalǵan jıynda aýdan ákimi Alekseı Gorobtsov málim etti, dep habarlaıdy QazAqparat tilshisi.

Atalmysh jıynda belgili aqyn, Qazaqstan Jazýshylar odaǵy oblystyq bólimshesiniń tóraıymy Aqushtap Baqtygereeva, oblystyq tilderdi damytý basqarmasynyń bastyǵy Mahambet Ihsanǵalı, aýdandyq ardagerler keńesiniń tóraǵasy Sálim Kýkashev jáne basqalar aýdan turǵyndarynyń 84 paıyzy qazaqtar bolǵanymen, memlekettik tildiń áli kúnge deıin keń qanat jaıa almaı otyrǵanyn atap ótti.

M.Ihsanǵalıdyń aıtýynsha, tilge qatysty sharalar Bórli, Zelenov aýdandary men Oral qalasynda da uıymdastyrylatyn bolady. Ásirese, til janashyrlary jetkinshek urpaqty ana tilinde oqytýǵa yqpal etpek. Ókinishke qaraı, atalǵan jerlerde bul másele de ótkir tur. Aıtalyq, Oral qalasy boıynsha bıyl ulty qazaq 398 búldirshin sabaq orys tilinde júrgiziletin mekteptiń tabaldyryǵyn attamaqshy.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT