Tennısten Devıs kýbogy: Kýkýshkın Qazaqstan - Kanada matchyn jeńispen bastady
2021 jylǵy 28 qarasha 18:33

Tennısten Devıs kýbogy: Kýkýshkın Qazaqstan - Kanada matchyn jeńispen bastady

MADRID. QazAqparat - Madrıdte Devıs kýbogy fınaldyq kezeńiniń toptyq básekesinde Qazaqstan - Kanada matchy ótýde, dep habarlaıdy QazAqparat tilshisi.

Alǵashqy bolyp Qazaqstannan Mıhaıl Kýkýshkın, Kanadadan Breıden Shnýr shyqty.

Birinshi partııada breık jasaǵan qazaqstandyq tennısshi basymdylyq tanytty - 6:3.

Ekinshi sette taı-breıkte Shnýrdyń joly boldy - 7:6 (7:5).

Úshinshi, sheshýshi partııada áýeli kanadalyq sportshy breık jasaǵanymen, Kýkýshkın alysqa uzatqan joq. Aqyry matchty taǵy bir breıkpen támamdady - 7:5.

Tartysty ótken báseke úsh saǵatqa jýyq ýaqytqa sozyldy.

Endi jekeleı synda Aleksandr Býblık pen Vashek Pospıshıl sheberlik baıqasady.

Eske sala keteıik, budan buryn Qazaqstan quramasy Shvetsııany jeńgenin , Anna Danılınanyń Dýbaıdaǵy jarysta jeńimpaz atanǵanyn jazǵan bolatynbyz.


Jańalyqtar

MURAǴAT