Tennısten Devıs kýbogy: Qazaqstan quramasy Shvetsııany jeńdi
2021 jylǵy 27 qarasha 21:05

Tennısten Devıs kýbogy: Qazaqstan quramasy Shvetsııany jeńdi

MADRID. QazAqparat - Madrıdte Devıs kýbogy fınaldyq kezeńiniń toptyq básekesinde Qazaqstan quramasy Shvetsııadan basym tústi, dep habarlaıdy QazAqparat tilshisi.

Juptyq synda Andreı Golýbev pen Aleksandr Nedovesov Andre Goransson - Robert Lındsterdtpen kortqa shyqty.

Birinshi partııada qazaqstandyq jup eki breık jasady - 6:3.

Olar ekinshi sette de 3:0 esebimen alǵa ketti. Aqyry sol qarqynyn tómendetken joq - 6:3.

Bir saǵattan astam ýaqytqa sozylǵan kezdesý barysynda A.Golýbev pen A.Nedovesov 3 eıs jasap, 6 breık-poınttyń úsheýin múlt jibergen joq.

Osylaısha Qazaqstan quramasy toptyq básekedegi alǵashqy matchta Shvetsııany 2:1 esebimen utty.

Qazaqstandyqtar erteń Kanada komandasymen oınaıdy.

Eske sala keteıik, budan buryn Qazaqstan men Shvetsııa kezdesetinin , Mıhaıl Kýkýshkınniń qarsylasyna ese jibergenin , Aleksandr Býblıktiń esepti teńestirgenin jazǵan bolatynbyz.


Foto: Sports.kz.


Jańalyqtar

MURAǴAT