Tennısten Devıs kýbogy: Qazaqstan quramasy Shvetsııamen kezdesedi
2021 jylǵy 27 qarasha 00:10

Tennısten Devıs kýbogy: Qazaqstan quramasy Shvetsııamen kezdesedi

NUR-SULTAN. QazAqparat – Madrıdte Devıs kýbogy fınaldyq kezeńiniń toptyq básekesinde Qazaqstan quramasy 27 qarasha kúni Shvetsııamen kezdesedi, dep habarlaıdy QazAqparat tilshisi.

Qazaqstan tennıs federatsııasy málim etkenindeı, Madrıdte el quramasy (kapıtany ıÝrıı ýkın) sapynda Aleksandr Býblık, Mıhaıl Kýkýshkın, Dmıtrıı Popko, Andreı Golýbev jáne Aleksandr Nedovesov óner kórsetýge daıyn.

Qazaqstan tennıs federatsııasynyń prezıdenti Bolat Ótemuratov ta tennısshilerdi qoldaý úshin Ispanııa astanasyna at basyn tiredi.

Qurama oıynshylaryna sparrıng-seriktes retinde Tımofeı Skatov pen Beıbit Jýkaev birge jattyqty.

Shvetsııalyqtar osal qarsylas emes. Olar alǵashqy matchta 2019 jylǵy Devıs kýbogynyń fınalısteri – Kanada komandasyn kútpegen jerden 3:0 esebimen utyp ketti.

Elimizdiń birinshi raketkasy Aleksandr Býblık jeńis úshin qoldan kelgenniń bárin jasaýǵa tyrysatynyn jetkizdi.

«Biz basqa komandalarǵa qaraǵanda erterek keldik jáne jaqsy daıyndaldyq. Devıs kýbogynyń ereksheligi, munda óziń úshin emes, eliń úshin synǵa túsesiń. Sondyqtan jaýapkershilik júgi de joǵary», dedi A.Býblık.

«Shvetsııany 3-0 esebimen jeńýimiz kerek ekenin jaqsy túsinemiz. Bizdiń komandada tájirıbeli oıynshylar bar, olar birneshe ret úzdik tennısshilerdi jeńe alatynyn dáleldedi. Jigitter turaqty óner kórsetip, jaqsy nátıjege qol jetkizedi dep úmittenemin», dedi Qazaqstan quramasynyń kapıtany ıÝrıı ýkın.

Matchtardy Qazsport telearnasy tikeleı efırde kórsetedi. Shvetsııa jáne Kanadamen kezdesýler 27 jáne 28 qarashada Nur-Sultan ýaqytymen 15.00-de bastalady.


Eske sala keteıik, budan buryn qazaqstandyq qyzdardyń Azııa komandalyq birinshiliginiń chempıony atanǵanyn, Anna Danılınanyń Dýbaıdaǵy týrnırdiń fınalyna shyqqanyn jazǵan bolatynbyz.



Foto: Andreı Ýdartsev


Jańalyqtar

MURAǴAT