Tennısten Devıs kýbogy: Býblık Qazaqstan - Shvetsııa matchynda esepti teńestirdi
2021 jylǵy 27 qarasha 19:14

Tennısten Devıs kýbogy: Býblık Qazaqstan - Shvetsııa matchynda esepti teńestirdi

MADRID. QazAqparat - Madrıdte ótip jatqan Devıs kýbogy fınaldyq kezeńiniń toptyq básekesinde Qazaqstan - Shvetsııa matchynda Aleksandr Býblık esepti teńestirdi, dep habarlaıdy QazAqparat tilshisi.

Qazaqstannyń birinshi tennısshisi shvetsııalyq Mıkael Imermen kúsh synasty.

Birinshi oıynda Mıhaıl Kýkýshkın jeńilip qalǵannan keıin A.Býblıkke qalaıda tarazy basyn teńestirý kerek edi.

Birinshi partııada M.Imer 3:0 esebimen alǵa shyqty. Sosyn osy basymdylyǵyn saqtaı aldy - 6:3.

Esesine ekinshi sette esep 4:4 bolǵanda, Býblık breık jasap, óz geımin de aldy - 6:4.

Úshinshi, sheshýshi partııada A.Býblık qarsylasyna esh múmkindik bergen joq - 6:0.

Saǵat jarymnan astam ýaqytqa sozylǵan matchta Býblık 9 eıs jasap, 8 breık-poınttyń teń jartysyn paıdalandy.

Osylaısha Qazaqstan - Shvetsııa matchynda esep teńesti - 1:1.

Endi match taǵdyry juptyq kezdesýde sheshiledi.

Eske sala keteıik, budan buryn Qazaqstan men Shvetsııa kezdesetinin, Mıhaıl Kýkýshkınniń qarsylasyna ese jibergenin jazǵan bolatynbyz.


Uqsas jańalyqtar

Jańalyqtar

MURAǴAT