Tennısshi ıAroslava Shvedova Ýımbldonda óner kórsetedi
2022 jylǵy 23 mamyr 23:42

Tennısshi ıAroslava Shvedova Ýımbldonda óner kórsetedi

NUR-SULTAN. QazAqparat - Tennısten Qazaqstan áıelder quramasynyń kapıtany ıAroslava Shvedova amerıkalyq Vanıa Kıngpen birge Ýımbldon týrnıri aıasynda ótetin Ladies lnvitational Doubles jarysyna qatysady, dep habarlaıdy QazAqparat tilshisi.

Qazaqstan tennıs federatsııasy málim etkenindeı, atalmysh dodada óz sporttyq jolyn aıaqtaǵan oıynshylar óner kórsetedi.

«Men óte qýanyshtymyn. Ulybrıtanııada Vanıamen kezdesýdi asyǵa kútemin. Endi laıyqty óner kórsetý úshin myqtap jattyǵý kerek», dedi ıA.Shvedova.

2010 jyly ıAroslava men Vanıa «Úlken dýlyǵa» týrnıriniń biri, baı tarıhy bar Ýımbldon jarysynda jeńimpaz atanǵan edi. Fınalda olar reseılikter Elena Vesnına - Vera Zvonarevany utqan bolatyn - 7:6, 6:2.

Eske sala keteıik, budan buryn Rolan Garros týrnırinde qazaqstandyq tennısshilerdiń alǵashqy kezdesýlerin ótkizetinin jazǵan bolatynbyz.

Jańalyqtar

MURAǴAT