FÝTBOLDAN ÁLEM ChEMPIONATY-2022
  Jańalyqtar  >
  Sport

Tennısshi Dmıtrıı Popko Argentınadaǵy jarystyń jartylaı fınalyna ótti

2022 jylǵy 1 qazan, 00:44
Tennısshi Dmıtrıı Popko Argentınadaǵy jarystyń jartylaı fınalyna ótti

ASTANA. QazAqparat – Qazaqstandyq, álemniń 235-raketkasy Dmıtrıı Popko Býenos Aıres 2 (Argentına) chellendjer jarysynyń jartylaı fınalyna ótti, dep habarlaıdy QazAqparat tilshisi.

Qazaqstandyq tennısshi shırek fınalda dúnıejúzilik reıtıngte 349-orynda turǵan argentınalyq Roman Andres Býrrýchagamen sheberlik baıqasty.

Birinshi partııada D.Popko basymdylyq tanytty – 7:5.

Ekinshisinde kort ıesi ese qaıyrdy – 6:0.

Úshinshi, sheshýshi sette qazaqstandyq sportshy birden 3:0 esebimen alǵa ketti. Aqyry osy qarqynynan jańylǵan joq – 6:2.

Eki saǵat 22 mınýtqa sozylǵan tartysty báseke barysynda D.Popko eıs jasamaǵanymen, 14 breık-poınttyń altaýyn múlt jibergen joq. Qarsylasy 3 eıs, 6 breıkpen kózge tústi.

Dmıtrıı Popko fınalǵa shyǵý úshin argentınalyqtar, álemniń 118-inshi, jarystyń 4-raketkasy Kamılo Ýgo Karabellı nemese reıtıngte 169-satydaǵy Rentso Olıvomen talasady.

Eske sala keteıik, budan buryn Beıbit Jýkaevtyń eki márte el chempıony atanǵanyn, tennısshi Tımofeı Skatovtyń Lıssabon týrnıriniń jartylaı fınalyna shyqqanyn jazǵan bolatynbyz.


Tegı:
Sport   Tennıs  
Uqsas jańalyqtar
Seriktester jańalyqtary

Jańalyqtar