+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Tennıs: Jibek Qulambaeva men Tımofeı Skatov Qazaqstannyń absolıýtti chempıondary atandy

2021 jylǵy 17 qyrkúıek 19:14
Bólisińiz:
Tennıs: Jibek Qulambaeva men Tımofeı Skatov Qazaqstannyń absolıýtti chempıondary atandy

NUR-SULTAN. QazAqparat – Elordadaǵy «Dáýlet» sport kombınatynda tennısten erler men áıelder arasynda Qazaqstan chempıonaty aıaqtaldy, dep habarlaıdy QazAqparat tilshisi.

Uqsas jańalyqtar
Aqmolalyq atlet álem chempıonatynyń kúmis júldegeri atandy Germanııada Abaı Qunanbaıulyna eskertkish ashyldy Tennıs: Zarına Dııas AQSh-taǵy týrnırdiń jartylaı fınalyna shyqty

Qazaqstan tennıs federatsııasy málim etkenindeı, bul jarystyń mańyzdylyǵy sol, jeńimpazdar jýyrda ótetin Astana Open týrnırine joldama aldy.

Áıelder arasynda fınalda osy dodanyń birinshi jáne ekinshi raketkalary Gózal Aınıtdınova men Jibek Qulambaeva bas júldeni sarapqa saldy.

Bul birinshiliktegi eń uzaqqa sozylǵan báseke boldy. 3 saǵat 24 mınýttyq matchta J.Qulambaeva 5:7, 7:6, 6:3 esebimen jeńiske jetti.

Osylaısha juptyq synda da úzdik shyqqan Jibek absolıýtti chempıon atanyp, Astana Open WTA 250 týrnıriniń joldamasyn utyp aldy. Al Gózal osy dodanyń irikteý saıysynda baq synaıdy.

Óskemendik Tatıana Nıkolenko Sofıa Chýrsınany 6:2, 7:6 esebimen tize búktirip, qola júldege ıe boldy.

Erler arasynda sońǵy básekede almatylyq Denıs Evseev pen qyzyljarlyq Tımofeı Skatov kortqa shyqty. 2 saǵat 34 mınýtqa sozylǵan kezdesýde T.Skatovtyń mereıi ústem boldy – 7:5, 7:6.

Álemdik reıtıngte 275-orynda turǵan T.Skatov alǵash ret el chempıonatynda jekeleı jáne juptyq synda úzdik shyqty.

Tımofeı Astana Open ATP 250 týrnırinde, D.Evseev sonyń irikteý saıystarynda óner kórsetetin bolady.

Qola júlde Dmıtrıı Popkony súrindirgen Grıgorıı Lomakınniń qanjyǵasynda ketti.

Eske sala keteıik, budan buryn Zarına Dııastyń Lıýksembýrgta Tokıo Olımpıadasynyń chempıonyna jol bergenin, al ıÝlııa Pýtıntsevanyń Slovenııadaǵy jarystyń jartylaı fınalyna shyqqanyn jazǵan bolatynbyz.




Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT