+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Tennıs: Zarına Dııas US Open týrnırinde álemniń 2-raketkasymen kezdesedi

2019 jylǵy 23 tamyz 11:30
Bólisińiz:
Tennıs: Zarına Dııas US Open týrnırinde álemniń 2-raketkasymen kezdesedi

NUR-SULTAN. QazAqparat – Qazaqstandyq tennısshilerdiń US Open týrnırindegi qarsylastary anyqtaldy, dep habarlaıdy QazAqparat tilshisi.

Uqsas jańalyqtar
Tennıs: Zarına Dııas Ýhan týrnıriniń irikteý saıysyn sátti bastady Tennıs: Kýkýshkın Sankt-Peterbor týrnıriniń shırek fınalyna shyqty Tennısshi Elena Rybakına Qytaıdaǵy týrnırde utylyp qaldy

Bıylǵy «Úlken dýlyǵa» týrnıriniń sońǵysy – AQSh-tyń ashyq chempıonaty 26 tamyz – 8 qyrkúıek aralyǵynda ótedi.

Áıelder arasynda Qazaqstannyń birinshi, álemniń 39-raketkasy ıÝlııa Pýtıntseva alǵashqy aınalymda reıtıngte 78-orynda turǵan amerıkalyq Medıson Brenglmen kúsh synasady.

Taǵy bir qazaqstandyq, reıtıngte 77-satydaǵy Zarına Dııasqa jerebe joldas bola qoıǵan joq. Ol álemniń 2-raketkasy, aýstralııalyq Eshlı Bartımen sheberlik baıqasady. Zarınaǵa ótken jyly da myqty qarsylastyń biri, álemniń sol kezdegi segizinshi (qazir úshinshi) raketkasy, chehııalyq Karolına Plıshkova tap bolyp, alǵashqy aınalymnan asa almaǵan edi. Al ıÝ.Pýtıntseva birinshi kezdesýinde amerıkalyq Bernarda Peradan jeńilgen bolatyn.

Bıylǵy US Open dodasyna taǵy bir qazaqstandyq sportshy qosylýy múmkin. Dúnıejúzilik reıtıngte 67-orynda turǵan Elena Rybakına búgin irikteý saıystarynyń fınalynda aýstralııalyq, álemniń 190-raketkasy Lızett Kabreramen negizgi týrnırdiń joldamasyn sarapqa salady.

Erler arasynda Qazaqstannyń birinshi, álemniń 44-raketkasy Mıhaıl Kýkýshkınniń alǵashqy aınalymdaǵy qarsylasy osal emes. Ol álemniń 10-raketkasy, ıspanııalyq Roberto Baýtısta-Agýtpen kortqa shyǵady. Ótken jyly osy jarysta úshinshi aınalymǵa deıin jetken M.Kýkýshkınge bıyl sol nátıjesin qaıtalaý qıynǵa soqpaq.

Taǵy bir qazaqstandyq, reıtıngte 75-orynda turǵan Aleksandr Býblıktiń qarsylasy irikteý saıystarynyń qorytyndysy shyqqannan keıin anyqtalady.

Bir aıta ketetin jaıt, bıyl US Open týrnıriniń jalpy júlde qory kóbeıtilip, 57 mln AQSh dollaryna jetkizildi. Áıelder jáne erler arasynda jeńimpaz atanǵandardyń árqaısysy 3,85 mln dollar tabys tabady, bul ótken jylǵydan 50 myń dollarǵa kóp. Birinshi aınalymnan asa almaǵan tennısshilerdiń ózi 58 myń AQSh dollaryna ıe bolady.

Eske sala keteıik, budan buryn E.Rybakınanyń US Open týrnıriniń irikteý saıysynyń fınalyna shyqqanyn jazǵan bolatynbyz.


Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Aýdarma:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT