Tennıs: Zarına Dııas pen Elena Rybakına juppen ekinshi aınalymǵa shyqty

NUR-SULTAN. QazAqparat – Qazaqstandyqtar Zarına Dııas pen Elena Rybakına juptyq synda Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

Uqsas jańalyqtar

Tennıs: Elena Rybakına álemniń birinshi raketkasymen kezdesedi

Tennıs: Elena Rybakına Aýstralııa chempıonatynyń ekinshi aınalymyna shyqty Tennısshi Zarına Dııas Osaka týrnıriniń shırek fınalyna shyǵa almady

Qazaqstandyq jup bastapqy kezdesýin frantsııalyqtar Alıze Korne men Fıona Ferromen ótkizdi.

Birinshi partııada Dııas pen Rybakına 6:4 esebimen basym tústi.

Taı-breıkke deıin barǵan ekinshi sette frantsııalyq jup 7:6 (7:1) esebimen ese qaıyrdy.

Úshinshi, sheshýshi sette qazaqstandyqtar jeńisti julyp áketti – 7:6 (10:5).

Tartysty match 2 saǵat 25 mınýtqa sozyldy.

Qazaqstandyq jup ekinshi aınalymda Belarýs ókili Aleksandra Sasnovıch pen slovakııalyq Vıktorııa Kýjmovamen sheberlik baıqasady.

Erler arasynda juptyq synda Aleksandr Býblık pen Mıhaıl Kýkýshkın de jarysty jalǵastyrady. Olar erteń ekinshi aınalymda ońtústikkoreıalyqtar Djı Sýn Nam men Mın-Kıý Songpen kezdesedi.

Sondaı-aq áıelder arasynda jekeleı synda ıÝlııa Pýtıntseva álemniń 3-raketkasy, rýmynııalyq Sımona Halep, al Zarına Dııas reıtıngte úzdik ondyqty túıindep turǵan nıderlandylyq Kıkı Bertenspen kortqa shyǵady.

Eske sala keteıik, budan buryn Qazaqstan tarıhynda tuńǵysh ret úsh birdeı tennısshiniń «Úlken dýlyǵa» týrnıriniń úshinshi aınalymyna ótkenin, búgin E.Rybakınanyń álemniń 1-raketkasyna jol bergenin jazǵan bolatynbyz.