+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Tennıs: Zarına Dııas Osakanyń negizgi týrnırine joldama aldy

2019 jylǵy 15 qyrkúıek 13:15
Bólisińiz:
Tennıs: Zarına Dııas Osakanyń negizgi týrnırine joldama aldy

NUR-SULTAN. QazAqparat – Qazaqstandyq Zarına Dııas Japonııada Osaka WTA negizgi týrnırine joldama aldy, dep habarlaıdy QazAqparat tilshisi.

Álemniń 80-raketkasy Z.Dııas irikteý saıystarynyń fınalynda dúnıejúzilik reıtıngte 327-orynda turǵan japonııalyq Kıoka Okamýramen kezdesti.

Birinshi partııada breık jasaǵan qazaqstandyq tennısshi 3:1 esebimen alǵa ketti. Taǵy bir breık – 5:1. Sosyn ózi dop bergende, múmkindigin jibergen joq – 6:1.

Ekinshi sette de Zarına óz geımderin ala otyryp, breıkpen alǵa shyqty – 3:1. Taǵy bir breık jasap, tartysty bolǵan altynshy geımde qarsylasynyń esepti qysqartýyna múmkindik bermedi – 5:1. Aqyry matchqa dop bergende, bosańsyǵan joq – 6:2.

Báseke 1 saǵat 15 mınýtqa sozyldy.

Zarınanyń negizgi týrnırdegi qarsylasy keıin anyqtalady.

Z.Dııas buǵan deıin Hırosıma dodasyna qatysqan bolatyn. Onda Zarınanyń jolyn kesken japonııalyq Nao Hıbıno búgin osy týrnırdiń chempıony atandy.

Júlde qory 823 myń AQSh dollaryna baǵalanǵan, 16-22 qyrkúıek aralyǵynda ótetin Osaka týrnırinde Qazaqstannyń birinshi, álemniń 36-raketkasy ıÝlııa Pýtıntseva da baq synaıdy. Ol bastapqy básekesin álemniń 23-raketkasy, horvatııalyq Petra Martıchpen ótkizedi. P.Martıch Qytaıdaǵy Chjenchjoý týrnıriniń fınalynda búgin chehııalyq Karolına Plıshkovamen bas júldeni sarapqa salady.

Osaka dodasyna osy jarystyń ótken jylǵy fınalısi (onda Karolına Plıshkovaǵa ese jibergen bolatyn), japonııalyq Naomı Osaka bastaǵan myqty tennısshiler qatysady. Ótken jyly Z.Dııas chehııalyq Barbora Strytsovadan jeńilip, birinshi aınalymnan asa almaǵan edi.

Eske sala keteıik, budan buryn Zarına Dııastyń Osaka týrnıriniń irikteý saıysyn sátti bastaǵanyn, Elena Rybakınanyń Nanchan dodasynyń fınalyna shyqqanyn, sondaı-aq Andreı Golýbev pen Aleksandr Nedovesovtiń juptyq synda Ystanbul jarysynyń jeńimpazy atanǵanyn jazǵan bolatynbyz.


Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT