Tennıs: Zańǵar Nurlanuly Masters chempıondyq reıtıngisinde bir aı boıy kósh bastap keledi

NUR-SULTAN. QazAqparat – Tennis Europe (TE) uıymy bıyl kúzde Monte-Karloda ótetin Junior Masters týrnıriniń jańartylǵan reıtıngisin jarııa etti, dep habarlaıdy QazAqparat tilshisi.

Qazaqstan tennıs federatsııasy málim etkenindeı, 14 jasqa deıingiler arasynda Zańǵar Nurlanuly bir aı boıy kósh bastap keledi.

Jasóspirimder arasynda uıymnyń jalpy kestesinde Zańǵar tórtinshi orynda tur.

Danıel Tazabekov 22-orynda qalsa, taǵy bir qazaqstandyq Damır Jalǵasbaı Mınskide ótken jarystyń fınalyna shyǵýy nátıjesinde 28-satyǵa kóterildi.

Eske sala keteıik, budan buryn Aýstralııa ashyq chempıonatynda Anna Danılınanyń juptyq synda jartylaı fınalǵa shyqqanyn jazǵan bolatynbyz.

Sondaı-aq Arýjan Saǵyndyqova úshinshi aınalymǵa shyqqanymen, jartylaı fınalǵa óte almady.