+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Tennıs: Rybakına Hertogenbos týrnıriniń fınalyna óte almady

2019 jylǵy 16 maýsym 03:19
Bólisińiz:
Tennıs: Rybakına Hertogenbos týrnıriniń fınalyna óte almady

NUR-SULTAN. QazAqparat - Qazaqstandyq tennısshi Elena Rybakına Hertogenbos (Nıderlandy) WTA týrnıriniń jartylaı fınalynda álemniń 4-raketkasy, kort ıesi Kıkı Bertenspen kezdesti, dep habarlaıdy QazAqparat tilshisi.

Dúnıejúzilik reıtıngte 134-orynda turǵan qazaqstandyq sportshy álemniń mańdaıaldy tennısshileriniń birine barynsha qarsylasyp baqty.

E.Rybakına 17 maýsym kúni 20 jasqa tolatyn jas tennısshi bolsa, 27 jasar K.Bertenstiń tájirıbesi áldeqaıda mol edi.

Birinshi partııada breık jasaǵan K.Bertens alǵa shyqty - 2:0. Degenmen Rybakına da qarap qalmaı, tarazy basyn teńestire aldy - 2:2. Taǵy bir breık jasaǵan gollandııalyq sportshy bul setti jeńispen aıaqtaı aldy - 6:4.

Ekinshi partııa da dál solaı órbidi - 2:0. Esep 1:2 bolǵan mezette Elena breık-poınttaryn paıdalana almady. Taǵy bir breık jasaǵan Bertens esepti 5:2-ge jetkizdi. Alaıda ol matchqa dop bergende, Rybakına breık jasap, óz geımin alyp, esepti qysqartty - 4:5. Osydan keıin ǵana Bertens matchty támamdaı bildi - 6:4.

Báseke 1 saǵat 22 mınýtqa sozyldy.

K.Bertens fınalda álemniń 61-raketkasy, amerıkalyq Elıson Rıskemen bas júldeni sarapqa salady.

E.Rybakınanyń júlde qory 250 myń eýroǵa baǵalanǵan jarystyń jartylaı fınalyna deıin jetýiniń ózi úlken tabys dep esepteýge bolady. Ol irikteý saıystarynda qos birdeı tennısshini qapy qaldyrsa, negizgi týrnırde reıtıngte ózinen áldeqaıda joǵary turǵan amerıkalyq Varvara Lepchenko, belgııalyqtar Elıson Van Eıtvank pen Kırsten Flıpkensti tize búktirdi.

Eń bastysy, WTA týrnırinde osylaısha sátti óner kórsetkennen keıin E.Rybakınanyń reıtıngisi joǵarylaıtyny anyq. Endi «Úlken dýlyǵa» týrnıriniń biri - Ýımbldon jarysynyń irikteý saıystarynan ótip, negizgi dodaǵa joldama alsa, tabysy da molaıady.

Eske sala keteıik, budan buryn Zarına Dııastyń Manchester jarysynyń fınalyna, Elena Rybakınanyń Hertogenbos (Nıderlandy) týrnıriniń jartylaı fınalyna shyqqanyn jáne Aleksandr Býblıktiń Londonda irikteý saıysyn sátti bastaǵanyn jazǵan bolatynbyz.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT