+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Tennıs: Rybakına Dýbaı týrnıriniń fınalynda álemniń 2-raketkasyna jol berdi

2020 jylǵy 23 aqpan 00:14
Bólisińiz:
Tennıs: Rybakına Dýbaı týrnıriniń fınalynda álemniń 2-raketkasyna jol berdi

NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Dýbaı WTA premer týrnıriniń fınalynda jeńilip qaldy, dep habarlaıdy QazAqparat tilshisi.

Uqsas jańalyqtar
Eki eldiń aýyr atletteri Tokıo Olımpıadasynan shettetildi Qazaqstandyq balýan áıelder reıtıngte úzdik tórttikke kirdi Jelkendi qaıyq sporty federatsııasy 2020 jylǵy álem kýbogy oıyndaryn keıinge shegerdi

Qazaqstandyq tennısshi sońǵy básekede kezinde reıtıngte kósh bastaǵan, qazir álemniń 2-raketkasy, 2019 jylǵy Ýımbldon týrnıriniń jeńimpazy, rýmnynııalyq Sımona Haleppen kúsh synasty.

Buǵan deıin 20 jastaǵy E.Rybakına bıyl úsh birdeı WTA jarysynyń fınalyna shyǵyp, sonyń bireýinde (Hobart) chempıon atanǵan edi.

Bul – onyń tórtinshi fınaly.

Birinshi partııada qarsylasyna qaraǵanda, shıraq qımyldap, breık jasaǵan qazaqstandyq sportshy 5:3 esebimen alǵa shyqty. Aqyry setke dop bergende, óz múmkindigin jibergen joq – 6:3.

Ekinshi sette kúshine mingen tájirıbeli, 28 jastaǵy S.Halep esep 2:1 bolǵanda, breık jasap ketti – 3:1. Degenmen árqashan sabyrynan aınymaı, salqynqandy oınaıtyn E.Rybakına da qalyspaı, qaıyra breıkke qol jetkizdi. Alaıda sosyn asa tartysty órbigen óz geıminde ese jiberdi – 3:5. Budan keıin rýmynııalyq tennısshi setti jeńispen aıaqtaı aldy.

Úshinshi, sheshýshi partııada E.Rybakına breıkpen (3:1) alǵa ketkenimen, S.Halep sol boıda ese qaıyrdy – 3:3. Sımona esep 5:5 bolǵanda, breık jasap ketti. Rýmynııalyq sportshy matchqa dop bergende, Elena qaıyra breık jasady. Aqyry match taǵdyry taı-breıkte sheshildi. Onda Halep jeńiske jetti – 7:6 (7:5).

Sóıtip S.Halep óz sporttyq jolyndaǵy 20-synshy tıtýlyna qol jetkizdi.

Naǵyz fınalǵa tán, asa qyzý ótken báseke 2 saǵat 27 mınýtqa sozyldy.

Álemdegi eń myqty tennısshiniń birimen terezesi teń óner kórsetken qazaqstandyq sportshyǵa synı sátterde tájirıbe jetispedi.

Osylaısha E.Rybakına júlde qory 3 mln AQSh dollaryna jýyqtaıtyn Dýbaı jarysynyń fınalynda utylyp qalǵanymen, munyń ózin úlken tabys dep esepteýge bolady. Ol osy doda barysynda reıtıngte úzdik ondyqqa enetin eki tennısshini tize búktirdi.

Qazaqstandyq tennısshi aldaǵy dúısenbide jańartylatyn reıtıngte 17-orynǵa kóteriledi. Bul áıelder arasynda el tennısindegi taǵy bir rekordtyq kórsetkish bolmaq.

Stefan Výkov jattyqtyratyn E.Rybakına endi taǵy bir premer deńgeıindegi iri doda – Doha týrnırinde baq synaıdy. Oǵan ıÝlııa Pýtıntseva men jýyrda kortqa qaıta oralǵan ıAroslava Shvedova da qatysady. Onda E.Rybakına reıtıngte 70-orynda turǵan taǵy bir rýmynııalyq Sorana Kyrstıamen, ıÝ.Pýtıntseva álemniń 31-raketkasy, reseılik Anastasııa Pavlıýchenkovamen, ıA.Shvedova 73-satydaǵy germanııalyq Laýra Zıgemýndpen sheberlik baıqasady.

Eske sala keteıik, budan buryn Elena Rybakınanyń Dýbaı týrnıriniń fınalyna, Aleksandr Býblıktiń Marselde jartylaı fınalǵa shyqqanyn jazǵan bolatynbyz.

A.Býblık Marsel týrnıriniń fınalyna shyǵa almady.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT