Tennıs: Pýtıntseva Nıýrnberg týrnıriniń ekinshi aınalymyna shyqty

NUR-SULTAN. QazAqparat - Qazaqstannyń birinshi, álemniń 38-raketkasy ıÝlııa Pýtıntseva Nıýrnberg (Germanııa) týrnıriniń alǵashqy aınalymynda slovenııalyq Dalıla ıAkýpovıchpen kezdesti, dep habarlaıdy QazAqparat tilshisi.

Qazaqstandyq sportshy osy týrnırdiń birinshi raketkasy bolyp tirkelse, qarsylasy dúnıejúzilik reıtıngte 107-satyda edi.

Birinshi partııada breık jasaǵan ıÝ.Pýtıntseva 2:0 esebimen alǵa shyqqanymen, slovenııalyq tennısshi tarazy basyn teńestirdi. Degenmen budan keıin ıÝlııa taǵy eki breık jasaı bildi - 6:2.

Ekinshi set te dál solaı bastaldy - 2:0. Esep 3:0 bolǵannan keıin D.ıAkýpovıch jarysty jalǵastyrýdan bas tartty.

Match bir saǵatqa jýyq ýaqytqa sozyldy.

ıÝ.Pýtıntseva ekinshi aınalymda álemniń 85-raketkasy, germanııalyq Mona Bartel nemese argentınalyq, reıtıngte 205-satydaǵy Paýla Ormaecheanyń qaı jeńgenimen kortqa shyǵady.

Júlde qory 250 myń eýroǵa baǵalanǵan Nıýrnberg týrnıri 25 mamyrda márege jetedi.

Ótken jyly bul jarystyń fınalynda shvetsııalyq ıÝhanna Larsson amerıkalyq Elıson Rıskeni utyp, jeńimpaz atanǵan bolatyn.

Erler arasynda Qazaqstannyń birinshi, álemniń 47-raketkasy Mıhaıl Kýkýshkın Lıon (Frantsııa) týrnıriniń alǵashqy aınalymynda reıtıngte 263-oryndaǵy ıtalııalyq ıAnnık Sınnermen sheberlik baıqasady.

Taǵy bir qazaqstandyq, reıtıngte 94-oryndaǵy Aleksandr Býblık osy jarystyń irikteý saıysynan asa almady. Ol birinshi kezdesýinde-aq álemniń 275-raketkasy, frantsııalyq Trıstan Lamazınnen utylyp qaldy. T.Lamazın óz kezeginde irikteý saıysynyń fınalynda dál sol ıA.Sınnerge jol berdi.

Aldaǵy aptada topyraq tósenishinde bolatyn dodalardyń qorytyndysy retinde tórt «Úlken dýlyǵa» týrnıriniń biri - Rolan Garros jarysy nemese Frantsııa ashyq chempıonatynyń irikteý saıystary bastalady.

Eske sala keteıik, budan buryn ıÝ.Pýtıntsevanyń Rımde álemniń 5-raketkasy, chehııalyq Petra Kvıtovadan utylyp qalǵanyn jazǵan bolatynbyz.

Bul týrnırde búgin fınalda ulybrıtanııalyq Iohanna Kontany utqan taǵy bir chehııalyq, álemniń 7-raketkasy Karolına Plıshkova chempıon atandy.