Tennıs: Kýkýshkın men Býblık Aýstralııa chempıonatynyń jartylaı fınalyna shyqty

NUR-SULTAN. QazAqparat – Qazaqstandyqtar Mıhaıl Kýkýshkın men Aleksandr Býblık juptyq synda Aýstralııa ashyq chempıonatynyń jartylaı fınalyna shyqty, dep habarlaıdy QazAqparat tilshisi.

Uqsas jańalyqtar

Elena Rybakına WTA reıtınginde TOP-20 kirgen tuńǵysh qazaqstandyq tennısshisi atandy

Tennıs: Elena Rybakına Sankt-Peterbýrg týrnıriniń fınalynda ese jiberdi Tennıs: Danılına Dýbaı týrnıriniń irikteý saıysyn sátti bastady Tennıs: Elena Rybakına Sankt-Peterbýrg týrnıriniń fınalyna shyqty

Qazaqstandyq jup shırek fınalda aýstralııalyqtar Djeıms Dakvort jáne Mark Polmanspen kúsh synasty.

M.Kýkýshkın jekeleı synda osy birinshiliktiń alǵashqy aınalymynda M.Polmansqa ese jibergen bolatyn. Endi juptyq básekede joldary toqaılasty.

Birinshi partııada aýstralııalyqtar 5:1 esebimen alǵa ketip, ońaı utatyndaı kóringen. Degenmen qazaqstandyqtar tarazy basyn teńestirip, taı-breıkte jeńip ketti – 7:6 (8:6).

Ekinshi set te tartysty órbidi. Esep 6:5 bolǵan mezette qazaqstandyqtar matchty breıkpen támamdady – 7:5.

Báseke 1 saǵat 42 mınýtqa sozyldy.

M.Kýkýshkın men A.Býblık fınalǵa shyǵý úshin fınlıandııalyq Henrı Kontınen men germanııalyq ıAn-Lennard Shtrýff nemese amerıkalyq Radjıv Ram men ulybrıtanııalyq Djo Solsberı juptarynyń qaı jeńgenimen talasady.

Buǵan deıin «Úlken dýlyǵa» týrnırlerinde juptyq synda Qazaqstannan ıAroslava Shvedova eki márte chempıon atanǵan bolatyn. Erler ondaı tabystarymen maqtana almaıtyn. Osy joly M.Kýkýshkın men A.Býblık Aýstralııa chempıonatynda tabysty óner kórsetýde.

Eske sala keteıik, budan buryn qazaqstandyq qos tennısshiniń shetelde ótken týrnırde top jarǵanyn, Federatsııa kýbogynyń irikteý matchynda Qazaqstan men Belgııa quramalary kezdesetinin jazǵan bolatynbyz.