+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Tennıs: Kýkýshkın men Býblık Aýstralııa chempıonatynyń alǵashqy aınalymynan asa almady

2020 jylǵy 21 qańtar 11:47
Bólisińiz:
Tennıs: Kýkýshkın men Býblık Aýstralııa chempıonatynyń alǵashqy aınalymynan asa almady

NUR-SULTAN. QazAqparat – Qazaqstandyqtar Mıhaıl Kýkýshkın men Aleksandr Býblık Aýstralııa ashyq chempıonatynyń alǵashqy aınalymynan asa almady, dep habarlaıdy QazAqparat tilshisi.

Uqsas jańalyqtar
2022 jylǵy arnaıy qysqy Olımpıada oıyndary Qazanda ótedi «Astana» velokomandasy «Týr de Frans» velojarysyna qatysady Dmıtrıı Popko AQSh-taǵy tennıs týrnırinde taǵy jeńiske jetti

Álemniń 68-raketkasy M.Kýkýshkın birinshi aınalymda dúnıejúzilik reıtıngide 133-orynda turǵan aýstralııalyq Mark Polmanspen kezdesti.

Qazaqstandyq tennısshi 32 jastaǵy tájirıbeli sportshy bolsa, qarsylasy odan týra 10 jasqa kishi edi.

Birinshi partııada esep 5:4 bolǵan mezette aýstralııalyq tennısshi breık jasaı bildi – 6:4. Ol ekinshi sette de tarazy basyn ózine aýdara aldy – 6:3.

Úshinshi partııada Mıhaıl Kýkýshkın basymdylyq tanytty – 6:4.

Tórtinshi sette M.Polmans breı k jasap, matchqa dop berdi. Degenmen qazaqstandyq tennısshi qaıyra breık jasady – 5:5. Aqyry taı-breıkte qarsylasynyń matchboldy paıdalanýyna múmkindik bermedi – 7:6 (10:8).

Besinshi, sheshýshi partııada esep 2:2 bolǵanda, M.Kýkýshkın breık jasaı aldy – 3:2. Áıtse de qarsylasy qalyspady – 3:3. Sosyn matchty taǵy bir breıkpen támamdady – 6:4.

Asa tartysty báseke saǵat 4 saǵat 19 mınýtqa sozyldy.

M.Polmans ekinshi aınalymda álemniń 27-inshi, osy jarystyń 24-raketkasy, serbııalyq Dýshan Laıovıchpen kortqa shyǵady.

Qazaqstannyń birinshi, álemniń 56-raketkasy Aleksandr Býblık reıtıngide ózinen on saty tómen turǵan taǵy bir aýstralııalyq Djordan Tompsonmen kúsh synasty.

A.Býblık 2 saǵat 21 mınýtqa sozylǵan matchta qarsylasyna 4:6, 3:6, 2:6 esebimen jol berdi.

D.Tompson ekinshi aınalymda álemniń 12-raketkasy, ıtalııalyq Fabıo Fonınımen sheberlik baıqasady.

Ótken jylǵy Aýstralııa birinshiliginde de M.Kýkýshkın alǵashqy aınalymnan asa almasa, A.Býblık qatyspaǵan bolatyn.

Eske sala keteıik, budan buryn E.Rybakınanyń álemdik reıtıngide kóterilgenin, búgin Aýstralııa ashyq chempıonatynyń ekinshi aınalymyna shyqqanyn jazǵan bolatynbyz.


Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT