Tennıs: Qazaqstan Devıs kýbogynyń jartylaı fınalyna  shyǵa almady
2021 jylǵy 2 jeltoqsan 07:13

Tennıs: Qazaqstan Devıs kýbogynyń jartylaı fınalyna shyǵa almady

NUR-SULTAN. QazAqparat – Madrıdte Devıs kýbogynyń shırek fınalynda Qazaqstan quramasy Serbııaǵa ese jiberdi, dep habarlaıdy QazAqparat tilshisi.

Ekinshi oıynda álemniń 1-raketkasy Novak Djokovıch pen qazaqstandyq Aleksandr Býblık kúsh synasty.

Bul joly A.Býblıktiń «Úlken dýlyǵa» týrnırin 20 ret utqan N.Djokovıchpen birinshi kezdesýi edi.

Birinshi partııada serbııalyq tennısshi breıkpen alǵa ketip,

sol basymdylyǵyn saqtap qaldy – 6:3.

Djokovıch ekinshi sette de breıkpen alǵa shyqty – 3:1.

Aqyry esesin jibergen joq – 6:4.

Bir saǵat 14 mınýtqa sozylǵan básekede N.Djokovıch 4 eıs, 2 breıkke qol jetkizdi. A.Býblık 12 eıs jasaǵanymen, 2 breık-poıntty paıdalana alǵan joq.

Osylaısha Qazaqstan – Serbııa matchynda tarazy basy teńesti – 1:1.

Match taǵdyry juptyq synda sheshildi.

Andreı Golýbev pen Aleksandr Nedovesov serbııalyqtar N.Djokovıch – Nıkola Kachıchpen sheberlik baıqasty.

Birinshi partııada serbııalyqtar qos breıkpen basymdylyq

kórsetti – 6:2.

Ekinshisinde qazaqstandyq jup dál sondaı eseppen ese qaıyrdy – 6:2.

Úshinshi, sheshýshi partııada taǵy eki breık jasaǵan serbııalyqtar matchty jeńispen bitirdi –6:3.

Bir saǵat 39 mınýtqa sozylǵan báseke barysynda N.Djokovıchtiń sheberligi aıqyn kórindi.

Sóıtip jartylaı fınalǵa Serbııa joldama aldy. Olar fınalǵa shyǵý úshin Horvatııamen talasady.

Eske sala keteıik , budan buryn tennısten Devıs kýbogynda Qazaqstan Serbııamen matchty jeńispen bastaǵanyn jazǵan bolatynbyz.




Jańalyqtar

MURAǴAT