+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Tennıs: Elena Rybakına Sankt-Peterbýrg týrnıriniń fınalynda ese jiberdi

2020 jylǵy 16 aqpan 21:18
Bólisińiz:
Tennıs: Elena Rybakına Sankt-Peterbýrg týrnıriniń fınalynda ese jiberdi

NUR-SULTAN. QazAqparat – Qazaqstannyń birinshi, álemniń 25-raketkasy Elena Rybakına Sankt-Peterbýrg WTA týrnıriniń fınalynda ese jiberdi, dep habarlaıdy QazAqparat tilshisi.

Uqsas jańalyqtar
Koronavırýs: «Rolan Garros» týrnıri kúzde ótetin boldy Tennıs: Golýbev pen Nedovesov Nur-Sultan týrnıriniń jartylaı fınalyna shyqty Tennıs: elordada erler arasynda halyqaralyq týrnır ótedi

Qazaqstandyq tennısshi fınalda álemniń 8-raketkasy, Nıderlandy ókili Kıkı Bertenspen kúsh synasty.

K.Bertens osy jarystyń ótken jylǵy chempıony bolsa, 20 jastaǵy E.Rybakınanyń bul WTA dodalaryndaǵy bıylǵy úshinshi fınaly edi. Shenchjende (Qytaı) qazaqstandyq tennısshi fınalda reseılik Ekaterına Aleksandrovaǵa ese jiberse, Hobartta sońǵy básekede qytaılyq Chjan Shýaıdy utyp, jeńimpaz atanǵan edi. E.Rybakına ótken jyly shildede Býhareste sporttyq jolynda alǵash ret WTA jarysynda úzdik shyqqan edi. Degenmen Sankt-Peterbýrg dodasy bul úsheýinen bási joǵary, premer deńgeıindegi týrnır bolyp esepteledi.

Bul joly 28 jastaǵy K.Bertens oıyn tizginin birden qolǵa aldy. Úsh breık jasaǵan tájirıbeli tennısshi birinshi partııada aıqyn basymdylyq kórsetti – 6:1.

Ekinshi sette E.Rybakına breık-poınttaryn paıdalana almasa, nıderlandylyq sportshy óz múmkindigin múlt jibergen joq – 3:1. Aqyry ol 1 saǵat 14 mınýtqa sozylǵan matchty jeńispen túıindeı bildi – 6:3.

E.Rybakına fınalda utylyp qalǵanyna qaramastan, dúısenbide jańartylatyn reıtıngte 19-orynǵa kóteriledi. Bul qazaqstandyq qyzdar úshin rekordtyq kórsetkish bolmaq.

Qazaqstandyq tennısshi endi taǵy bir premer týrnır, júlde qory 3 mln AQSh dollaryna jýyqtaıtyn Dýbaı jarysynda baq synaıdy. Onda alǵashqy aınalymda-aq álemniń 7-raketkasy, Aýstralııa ashyq chempıonatynyń bıylǵy chempıony, amerıkalyq Sofııa Kenınmen kezdesedi.

Taǵy bir qazaqstandyq Anna Danılına búgin Dýbaı týrnıri irikteý saıystarynyń jartylaı fınalynda ıspanııalyq Karla Sýares-Navarrodan jeńilip qaldy.

Eske sala keteıik, budan buryn E.Rybakınanyń Sankt-Peterbýrg týrnıriniń fınalyna shyqqanyn, A.Danılınanyń Dýbaı týrnıriniń irikteý saıysyn sátti bastaǵanyn jazǵan bolatynbyz.





Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT