+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Tennıs: Elena Rybakına Býharest týrnıriniń jeńimpazy atandy

2019 jylǵy 21 shilde 21:24
Bólisińiz:
Tennıs: Elena Rybakına Býharest týrnıriniń jeńimpazy atandy

NUR-SULTAN. QazAqparat – Qazaqstandyq Elena Rybakına Býharest WTA týrnıriniń jeńimpazy atandy dep habarlaıdy QazAqparat tilshisi.

Uqsas jańalyqtar
Qazaqstandyq tennısshi álemdik reıtıngte 27-orynǵa kóterildi Tennıs: Elena Rybakına Strasbýrg týrnıriniń shırek fınalyna shyqty Qazaqstandyq tennısshi Býharestegi týrnırdiń chempıony atandy

Dúnıejúzilik reıtıngte 106-orynda turǵan E.Rybakına fınalda rýmynııalyq Patrıtsııa Marııa Tıgpen kezdesti.

Bul qazaqstandyq tennısshiniń óz sporttyq jolyndaǵy WTA jarysyndaǵy alǵashqy fınaly edi.

Qarsylasy, 24 jasar rýmynııalyq sportshy jaraqaty men sábıli bolýyna baılanysty 18 aı úzilisten keıin kortqa shyqqan bolatyn. Ol irikteý saıystaryn sátti ótkizip, negizgi dodaǵa qosylǵan-dy.

Birinshi partııada esep 1:1 bolǵan mezette E.Rybakına breık jasap, óz geımin aldy – 3:1. Budan keıin de ol taǵy bir breıkke qol jetkizip, qarqynyn báseńdetken joq – 6:2.

Ekinshi sette qazaqstandyq tennısshi 4:0 esebimen alǵa shyqty. Taǵy bir breık – 5:0. Aqyry Rybakına qarsylasyna birde-bir geım bermedi – 6:0.

Fınaldyq báseke 1 saǵat 5 mınýtqa sozyldy.

Osylaısha 20 jasar E.Rybakına júlde qory 226 750 AQSh dollaryna baǵalanǵan jarystyń jeńimpazy atandy. Bul onyń WTA týrnırindegi alǵashqy jeńisi edi.

Eske sala keteıik, budan buryn E.Rybakınanyń Býharest jarysynyń, Aleksandr Býblıktiń Nıýport týrnıriniń fınalyna shyqqanyn jazǵan bolatynbyz.

A.Býblık fınalda álemniń 15-raketkasy, tájirıbeli amerıkalyq Djon Iznermen bas júldeni sarapqa salady.

Jýyrda Ýımbldon týrnırinde dál osy D.Iznerdi Qazaqstannyń birinshi raketkasy Mıhaıl Kýkýshkın utqan bolatyn.




Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT