Tennıs: Dmıtrıı Popko Rolan Garros týrnırinde utylyp qaldy

NUR-SULTAN. QazAqparat – Qazaqstandyq Dmıtrıı Popko Rolan Garrostyń negizgi týrnırine óte almady, dep habarlaıdy QazAqparat tilshisi.

Uqsas jańalyqtar

QHL: «Barys» overtaımda «Iokerıtten» jeńilip qaldy

Alaman báıge: «Elbasy kýbogynda» Bekbolat Tileýhannyń «Baqtorysy» top jardy Aleksandr Býblık álemdegi úzdik elý tennısshiniń qataryna qaıta kirdi Tennıs: Býblık juptyq synda Sankt-Peterbýrg týrnıriniń fınalyna shyǵa almady

Dúnıejúzilik reıtıngte 170-orynda turǵan D.Popko irikteý saıystarynyń fınalynda álemniń 155-raketkasy, ekvadorlyq Emılıo Gomespen kezdesti.

Qazaqstandyq tennısshi birinshi partııada 4:2 esebimen alǵa shyǵyp, ony taǵy bir breıkpen túıindedi – 6:2.

Ekinshi sette kerisinshe ekvadorlyq sportshy oıyn tizginin qolǵa aldy – 4:2. Ol sol basymdylyǵyn saqtap qala aldy – 6:4.

Úshinshi, sheshýshi partııada esep 5:5 bolǵan mezette E.Gomes breık jasap ketti – 6:5. Degenmen D.Popko da qalyspaı, qaıyra breıkke qol jetkizdi – 6:6. Taı-breıkte ekvadorlyq tennısshi jeńiske jetti – 7:6 (7:1).

Tartysty báseke 2 saǵat 31 mınýtqa sozyldy.

Osylaısha bıyl 24-ke tolatyn D.Popko irikteý saıystarynyń fınalynda jeńilis taýyp, «Úlken dýlyǵa» týrnırinen syrt qaldy.

Parıjdegi Rolan Garros jarysy (júlde qory – 38 mln eýro) 27 qyrkúıek – 11 qazan aralyǵynda ótedi.

Eske sala keteıik, budan buryn D.Popkonyń Rolan Garros týrnıri irikteý saıysynyń fınalyna, al A.Býblıktiń Gambýrgte shırek fınalǵa ótkenin jazǵan bolatynbyz.

Búgin E.Rybakına Strasbýrg týrnıriniń jartylaı fınalyna shyqty.