+7 (701) 759 90 19
USD 389.75 EUR 434.26
RUB 6.12 CNY 55.05
Jańalyqtar

Tennıs: Býblık London týrnıriniń irikteý saıysyn sátti bastady

2019 jylǵy 15 maýsym 22:51
Bólisińiz:
 Tennıs: Býblık London týrnıriniń irikteý saıysyn sátti bastady

NUR-SULTAN. QazAqparat - Qazaqstandyq tennısshi Aleksandr Býblık London ATP týrnıriniń irikteý saıysyn sátti bastady, dep habarlaıdy QazAqparat tilshisi.

Іrikteý saıysynyń úshinshi, álemniń 85-raketkasy A.Býblık reıtıngte nebári 571-orynda turǵan ulybrıtanııalyq Djek Drapermen kezdesti.

Jarysqa arnaıy shaqyrtý alǵan 17 jasar Draperdiń reıtıngisi tómen bolǵanyna qaramastan, match tartysty órbidi.

Birinshi sette eki kúnnen keıin 22 jasqa tolatyn Býblık basym boldy - 6:2.

Ekinshi partııada ulybrıtanııalyq tennısshi ese qaıyrdy - 6:1.

Úshinshi, sheshýshi sette Býblık sátti oınaı bildi.

Báseke 1 saǵat 22 mınýtqa sozyldy.

A.Býblık irikteý saıystarynyń fınalynda álemdik reıtıngte 138-satydaǵy amerıkalyq Tommı Polmen sheberlik baıqasady. Ony jeńse, negizgi jarysqa joldama alady.

17 maýsym kúni bastalatyn Londonnyń negizgi týrnırinde Qazaqstannyń birinshi, álemniń 47-raketkasy Mıhaıl Kýkýshkın óner kórsetedi. Ol alǵashqy aınalymda reıtıngte ózinen eki saty tómen turǵan frantsııalyq Jeremı Shardımen oınaıdy.

Áıelder arasynda Qazaqstannyń birinshi, álemniń 43-raketkasy ıÝlııa Pýtıntseva 17-23 maýsym aralyǵynda ótetin Bırmıngem (Ulybrıtanııa) WTA dodasynda baq synaıdy. Ol birinshi aınalymda osy týrnırge arnaıy shaqyrtý alǵan álemniń 159-raketkasy, ulybrıtanııalyq Herrıet Dartty synap kóredi.

Bırmıngemniń irikteý saıystaryna Qazaqstannan Zarına Dııas pen Elena Rybakına qatysýy kerek edi. Degenmen Z.Dııas Manchester týrnıriniń fınalyna, E.Rybakına Hertogenbos jarysynyń jartylaı fınalyna shyqqandyqtan, Bırmıngemge bara almady. Olardyń ornyna basqa tennısshiler shaqyryldy.

Kógal tósenishinde ótip jatqan bul básekelerdiń barlyǵy da «Úlken dýlyǵanyń» biri - Ýımbldon týrnıri aldyndaǵy daıyndyq bolyp esepteledi.

Eske sala keteıik, budan buryn Zarına Dııastyń Manchester jarysynyń fınalyna, Elena Rybakınanyń Hertogenbos (Nıderlandy) týrnıriniń jartylaı fınalyna shyqqanyn jazǵan bolatynbyz.

Al Aleksandr Nedovesov Shymkent týrnıriniń jartylaı fınalyna óte almady.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT