+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Tennıs: Býblık Astana Open týrnırinde jeńilip qaldy

2020 jylǵy 28 qazan 19:40
Bólisińiz:
Tennıs: Býblık Astana Open týrnırinde jeńilip qaldy

NUR-SULTAN. QazAqparat – Qazaqstannyń birinshi, álemniń 49-raketkasy Aleksandr Býblık Astana Open ATP 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Dodanyń 6-raketkasy bolyp tirkelgen A.Býblık alǵashqy aınalymda reıtıngide 209-orynda turǵan amerıkalyq Makkenzı Makdonaldpen sheberlik baıqasty.

Bul tennısshilerdiń osy aıdaǵy ekinshi kezdesýi edi. Budan buryn bıyl 23-ke tolǵan A.Býblık Sankt-Peterbýrg jarysynyń birinshi aınalymynda ózinen eki jas úlken qarsylasyn 2:6, 7:6 (7:2), 6:4 esebimen utqan-dy.

Bul joly birinshi partııada qazaqstandyq tennısshi breık jasap, 2:1 esebimen alǵa shyqqanymen, sol qarqynyn jalǵastyra almaı, ese jiberdi – 3:6.

Ekinshi set amerıkalyq sportshynyń aıqyn basymdylyǵymen ótti – 6:2.

Match barysynda sylbyr qımyldaǵan A.Býblık qatelikke jıi boı aldyrdy. Sóıtip úmitti aqtamady.

Báseke 1 saǵat 12 mınýtqa sozyldy.

Amerıkalyq tennısshi shırek fınalǵa shyǵý úshin jarysqa arnaıy shaqyrtý arqyly qosylǵan, reıtıngide 103-satydaǵy ıtalııalyq Andreas Seppımen talasady. Ol alǵashqy aınalymda reseılik Aslan Karatsevti 6:3, 1:6, 6:3 esebimen joldan taıdyrdy.

Osylaısha óz elimizde alǵash ret ótip jatqan ATP 250 týrnırinde jekeleı synda Qazaqstannan Mıhaıl Kýkýshkın ǵana qaldy.

Eske sala keteıik, budan buryn Mıhaıl Kýkýshkınniń Astana Open týrnırin jeńispen bastaǵanyn jazǵan bolatynbyz.




Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT