Tennıs: Aýstralııa ashyq chempıonatynda Elena Rybakına men Zarına Dııas ózara kezdesedi
2022 jylǵy 13 qańtar 17:16

Tennıs: Aýstralııa ashyq chempıonatynda Elena Rybakına men Zarına Dııas ózara kezdesedi

NUR-SULTAN. QazAqparat – Jyldyń alǵashqy «Úlken dýlyǵa» týrnıri – Aýstralııa ashyq chempıonatynyń jerebesi tartyldy, dep habarlaıdy QazAqparat tilshisi.

Qazaqstannyń birinshi, álemniń 13-raketkasy Elena Rybakına alǵashqy aınalymda otandasy, dúnıejúzilik reıtıngte 108-orynda turǵan Zarına Dııaspen kezdesedi.

Álemniń 43-raketkasy ıÝlııa Pýtıntseva reıtıngte 110-satydaǵy frantsııalyq Harmonı Tandy synap kóredi.

Ótken jyly ıÝ.Pýtıntseva tórtinshi, Z.Dııas úshinshi, E.Rybakına ekinshi aınalymǵa deıin jetken edi.

Erler arasynda Qazaqstannyń birinshi, álemniń 35-raketkasy Aleksandr Býblıktiń qarsylasy keıin anyqtalady. Taǵy úsh qazaqstandyq tennısshi irikteý saıystarynyń fınalynan ótse, A.Býblıktiń qataryna qosylyp qalýy múmkin.

Eske sala keteıik, budan buryn Anna Danılınanyń Sıdneı týrnıriniń shırek fınalyna shyqqanyn jazǵan bolatynbyz. Sodan keıine A.Danılına Sıdneı týrnıriniń jartylaı fınalyna shyqty.





Jańalyqtar

MURAǴAT