Tennıs: Anna Danılına Dýbaıdaǵy týrnırdiń jartylaı fınalyna shyqty
2021 jylǵy 26 qarasha 01:23

Tennıs: Anna Danılına Dýbaıdaǵy týrnırdiń jartylaı fınalyna shyqty

NUR-SULTAN. QazAqparat – Qazaqstandyq Anna Danılına juptyq synda Dýbaıdaǵy ITF W 100 týrnıriniń jartylaı fınalyna shyqty, dep habarlaıdy QazAqparat tilshisi.

A.Danılına men slovakııalyq Vıktorııa Kýzmova atalmysh jarystyń birinshi raketkalary bolyp tirkelgen edi.

Olar shırek fınalda slovakııalyq Krıstına Kýtsova – chehııalyq Renata Vorakovamen kezdesýi kerek edi. Áıtse de qarsylastary matchqa kelmeı qaldy da, A.Danılına men V.Kýzmova jartylaı fınalǵa oınamastan shyqty.

Qazaqstandyq-slovakııalyq jup fınalǵa ótý úshin taılandtyq Peangtarn Plıpýek – ındonezııalyq Aldıla Sýtdjıadımen talasady. Bul ekeýi shırek fınalda Belarýs ókili ıÝlııa Gotovko – taǵy bir ındonezııalyq Djessı Rompısti 6:1, 6:1 esebimen qınalmaı utty.

Eske sala keteıik, budan buryn Anna Danılınanyń Dýbaıdaǵy týrnırdiń shırek fınalyna ótkenin, al Azııa birinshiliginiń jartylaı fınalynda Qazaqstan men Ózbekstan synǵa túsetinin jazǵan bolatynbyz.





Jańalyqtar

MURAǴAT