Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

Tennıs: Aleksandr Býblık Londonnyń negizgi týrnırine joldama aldy

2019 jylǵy 16 maýsym 20:03 768
Bólisińiz:
Tennıs: Aleksandr Býblık Londonnyń negizgi týrnırine joldama aldy

NUR-SULTAN. QazAqparat - Qazaqstandyq tennısshi Aleksandr Býblık Londonda negizgi týrnırge joldama aldy, dep habarlaıdy QazAqparat tilshisi.

Álemniń 85-raketkasy A.Býblık irikteý saıystarynyń fınalynda dúnıejúzilik reıtıngte 138-satyda turǵan amerıkalyq Tommı Polmen kezdesti.

Bulardyń ekeýi de 1997 jylǵy, T.Pol 17 mamyrda 22-ge tolsa, A.Býblıktiń týǵan kúni odan týra bir aı keıin - 17 maýsym.

Birinshi partııa basynda qarsylastar breıkpen almasty. Sodan keıin qazaqstandyq tennısshi 4:1 esebimen alǵa ketti. Amerıkalyq tennısshi esepti 3:4-ke deıin qysqartty. Degenmen budan keıin A.Býblık óz esesin jibergen joq - 6:4.

Tartysty órbigen ekinshi sette esep 5:5 bolǵan mezette qazaqstandyq tennısshi breık-poıntty paıdalana almady. Aqyry bul partııa taı-breıkke ulasty. Munda eki márte mınıbreık jasaǵan A.Býblık alǵa shyqty - 4:1. Ol osy basymdylyǵynan aıyryla qoıǵan joq - 7:4.

Báseke 1 saǵat 18 mınýtqa sozyldy.

17-23 maýsym aralyǵynda ótetin London týrnıriniń júlde qory 2 mln eýrodan asady. 

Aıtýly dodaǵa álemniń 6-raketkasy, grekııalyq Stefanos Tsıtsıpas bastaǵan myqty tennısshiler qatysady.

Qazaqstannyń birinshi, álemniń 47-raketkasy Mıhaıl Kýkýshkın alǵashqy aınalymda reıtıngte ózinen eki saty tómen turǵan frantsııalyq Jeremı Shardımen sheberlik baıqasady.

A.Býblıktiń qarsylasy keıin anyqtalady.

Ótken jyly bul dodada fınalda serbııalyq Novak Djokovıchti utqan horvatııalyq Marın Chılıch jeńimpaz atanǵan bolatyn.

Germanııada aldaǵy aptada erler arasynda júlde qory 2 mln eýrodan asatyn Galle týrnıri de ótedi. Oǵan Qazaqstannan eshkim qatyspaıdy.

Dúısenbi kúni sondaı-aq áıelder arasynda Bırmıngem (Ulybrıtanııa) WTA týrnıri bastalady.

Júlde qory 1 mln AQSh dollarynan asatyn jarysta álemniń 1-raketkasy, japonııalyq Naomı Osaka bastaǵan tennısshiler baq synaıdy.

Qazaqstannyń birinshi, álemniń 43-raketkasy ıÝlııa Pýtıntseva birinshi aınalymda osy týrnırge arnaıy shaqyrtý alǵan álemniń 159-raketkasy, ulybrıtanııalyq Herrıet Dartpen kortqa shyǵady.

Qazirgi kezde tennısshiler osyndaı jarystarǵa qatysý arqyly 1-14 shilde aralyǵynda ótetin Ýımbldon týrnırine daıyndalýda.

Eske sala keteıik, budan buryn Zarına Dııastyń Manchester jarysynyń fınalyna shyqqanyn, Elena Rybakınanyń Hertogenbos (Nıderlandy) týrnıriniń fınalyna óte almaı qalǵanyn jáne Aleksandr Býblıktiń Londonda irikteý saıysyn sátti bastaǵanyn jazǵan bolatynbyz.

 

 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT