Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.62 EUR 426.03
RUB 5.67 CNY 55.78
Jańalyqtar

Teńizshevroılǵa jańa bas dırektor taǵaıyndaldy

2018 jylǵy 4 jeltoqsan 21:30 356
Bólisińiz:
Teńizshevroılǵa jańa bas dırektor taǵaıyndaldy

ATYRAÝ. QazAqparat - «Teńizshevroıl» JShS basshylyq quramynda ózgeris boldy. 2018 jyldyń 1 jeltoqsannan bastap óndiris bóliminiń bas menedjeri Imer Bonner bas dırektor bolyp taǵaıyndaldy. Buǵan deıin bul qyzmetti Ted Etchıson atqarǵan bolatyn, dep habarlaıdy TShO baspasóz qyzmeti.

Uqsas jańalyqtar
SQO-nyń Tımırıazev aýdanyna jańa ákim taǵaıyndaldy Qazaqstandaǵy jańa kadrlyq taǵaıyndaýlar

«Teńizshevroıl» JShS-niń bas dırektory Ted Etchıson Shevron korporatsııasyndaǵy 38 jyldyq eńbek ótilinen keıin zeınetke shyǵyp otyr. Ted Indonezııa, Nıgerııa, Qazaqstan jáne AQSh-tyń túrli bıznes bólimshelerinde jobalaý, óndiris, basqarý salalarynda ár alýan basshylyq qyzmetterdi atqardy.

Tedtiń basshylyǵymen TShO qaýipsiz jáne senimdi óndiris ekenin dáleldep, 1993 jyldan beri kólemi 3 mlrd barrel munaı óndirip, mańyzdy mejege qol jetkizdi.

Kásiporynnyń jańadan taǵaıyndalǵan bas dırektory Imer Bonner: «TShO Keleshek keńeıý jobasymen damýdyń jańa kezeńine aıaq basty. Kásiporyn men el úshin osynaý mańyzdy kezeńde osynda bolý men úshin zor qurmet», - dedi.

Imer Belfasttaǵy Kvıns ýnıversıtetinde hımııa ınjeneri mamandyǵy boıynsha bakalavr dárejesin aldy. Keıin Londonnyń Imperııalyq kolledjinde ilgerilengen hımııa ónerkásibi jáne munaı óndirý tehnologııalary boıynsha eki magıstr dárejesin ıemdengen. Imer Bonner 2015 jyldan bastap osy ýaqytqa deıin TShO-nyń óndiris jónindegi bas menedjeri bolyp qyzmet atqardy. 2012-2013 jyldar aralyǵynda Almatydaǵy Shevron korporatsııasynyń Eýrazııa bólimshesiniń basqarýshy dırektorynyń orynbasary boldy. Imer Shevron korporatsııasymen Ulybrıtanııada, Amerıka Qurama Shtattarynda, Taılandta jáne Qazaqstanda jaýapkershilik júgi birtindep salmaqtana túsken tehnıkalyq jáne basqarý qyzmetterin atqardy.

«Teńizshevroıl» JShS jaıǵastyrý, óndirý jáne munaı, gaz jáne kúkirt ótkizý jumystarymen aınalysady. Barlyq jumystar qaýipsizdik tehnıkasy men ekologııa jónindegi álemdik standarttar talaptaryna saı júredi. «Teńizshevroıl» jaýapkershiligi shekteýli seriktestigi 1993 jyly Qazaqstan Respýblıkasy men «Shevron» korporatsııasy arasynda jasalǵan kelisim negizinde quryldy.

«Teńizshevroıl» JShS-niń qazirgi kezdegi seriktesteri: Shevron - 50%, Qazmunaıgaz - 20%, EksonMobıl - 25% jáne «LýkArko» - 5%.

 

 

Bizdiń kanalymyzǵa jazylyńyz:

Basty sózder: Taǵaıyndaý,
Bólisińiz:
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Kojakeldıev E.
Kojakeldıev E.
954-059
MURAǴAT