+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Teńiz kenishinen býdaqtaǵan «sary» tútin: Tekseris nátıjesi jarııalandy

2021 jylǵy 13 maýsym 20:07
Bólisińiz:
Teńiz kenishinen býdaqtaǵan «sary» tútin: Tekseris nátıjesi jarııalandy

ATYRAÝ. QazAqparat – Atyraý oblysynyń Ekologııa departamenti eki aıǵa jýyq ýaqyt buryn Teńiz kenishinen shyqqan «sary» tútinge qatysty tekseristi aıaqtap, ákimshilik is qozǵady, dep habarlaıdy QazAqparat.

Uqsas jańalyqtar
Ertis ózeninen 3,4 mln teńgeniń bekire balyǵyn aýlaǵan brakoner ustaldy Elordada 42 myń tonnadan astam qoqys kádege jaratyldy Sınoptıkter Qazaqstan qalalaryndaǵy aýa sapasy týraly aıtty

Oblystyq Ekologııa departamentiniń basshysy Əlibek Bekmuhametovtiń málimetinshe, bıylǵy sáýirde «sary» tútin Teńiz kenishindegi KTL-2 nysanynda ornatylǵan «Ý-500» qondyrǵysynyń gıdrogenızatsııalaý peshinen shyqqan.

«Tekserý kezinde qaldyq gazdy berý klapanynyń aqaýlyǵynan «S-511» peshi toqtaǵan. Sol sebepten, aýaǵa «sary» tútin túrindegi kúkirt shyqqan. Departament basshylyǵynyń pərmenimen osyndaı aǵattyqqa jol bergeni úshin «Teńizshevroıl» JShS-ǵa qatysty əkimshilik is qozǵalyp, buzýshylyqtardy joıý týraly nusqama berildi. Onda qorshaǵan ortaǵa óz betinshe emıssııalarǵa jol bermeý jóninde naqty is-sharalardy əzirleý, sondaı-aq shtattan tys jaǵdaılar kezinde qondyrǵylar jelisiniń jumysyn toqtatý múmkindigin qarastyrý atap kórsetildi», - deıdi departament basshysy Á.Bekmuhametov.

Onyń aıtýynsha, qazir ákimshilik isti qaraý protsesi ýaqytsha toqtatylǵan. Óıtkeni, kompanııa basshylary tekserý nətıjeleri boıynsha toltyrylǵan akt pen joldanǵan nusqamaǵa baılanysty QR Ekologııa, geologııa jáne tabıǵı resýrstar mınıstrliginiń Ekologııalyq retteý jəne baqylaý komıtetine shaǵymdanǵan.

Al, «Teńizshevroıl» JShS Úkimetpen jəne jurtshylyqpen baılanys bóliminiń bas menedjeri Rzabek Artyǵalıevtiń aıtýynsha, aýaǵa uzaqtyǵy 7 mınýtqa sozylǵan kúkirt dıoksıdi men qarapaıym kúkirt shyǵarylǵan. Ken ornyndaǵy qyzmetkerler men mamandardyń eshqaısysy medıtsınalyq kómekke júginbegen.

Eske salaıyq, bıylǵy sáýir aıynda Atyraýdaǵy Teńiz kenishinen býdaqtaǵan «sary» tútin týraly jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT