Teńiz ken ornynda jarylystan jaraqat alǵandardyń ekeýi aýrýhanaǵa jetkizildi
2022 jylǵy 6 shilde 16:19

Teńiz ken ornynda jarylystan jaraqat alǵandardyń ekeýi aýrýhanaǵa jetkizildi

ATYRAÝ. QazAqparat – Teńiz ken ornynda jarylystan jaraqat alǵandardyń ekeýi aýrýhanaǵa jetkizildi. Onyń bireýi oblystyq, ekinshisi Jylyoı aýdandyq ortalyq aýrýhanasynda jatyr, dep habarlaıdy QazAqparat tilshisi.

Budan buryn Teńiz ken ornynda jarylys bolyp, eki adam qaza tapqanyn jazǵan edik.

«Teńizshevroıl» JShS baspasóz qyzmetinen málim etkendeı, búgin, 6 shildede «Senimdi qurylys» JShS-niń qurylys alańynda atmosferalyq gazy bar qubyrda gıdrosynaý jumysy júrgizilgen. Sol kezde qysymǵa shydamaǵan qubyrda jarylys bolǵan.

Jergilikti ýaqytpen tańerteńgi saǵat 9:55 shamasynda bolǵan jarylys saldarynan merdigerlik kompanııa – «Senimdi qurylys» JShS-niń 5 qyzmetkeri zardap shekken. Onyń 3-eýi ártúrli dene jaraqatyn alǵan. Al, 2 qyzmetker qaza tapqan.

«Apat kezinde ken ornynda 5 jumysshy zardap shegip, onyń ekeýi qaıtys boldy. Bireýi jarylys bolǵan qurylys alańynda, ekinshisi ken ornyndaǵy «TShO klınıkasy» medıtsınalyq mekemesinde kóz jumǵan. Ártúrli dene jaraqatyn alǵan jumysshynyń bireýi «Teńizshevroıl» JShS-ne qarasty ushaqpen Atyraý oblystyq aýrýhanasyna jetkizildi. Qazir naýqasqa dárigerler saraptama júrgizip jatyr. Taǵy bir jaraqat alǵan jumysshy Jyloı aýdandyq aýrýanasyna tústi. Ol jambas tusynan jabyq jaraqat alǵan. Onyń jaǵdaıy ortasha turaqty. Zardap shekken úshinshi jumysshyǵa «TShO klınıkasy» medıtsınalyq mekemesiniń qyzmetkerleri psıhologııalyq kómek kórsetip jatyr», -dep málim etti oblystyq densaýlyq saqtaý basqarmasynyń baspasóz qyzmetinen.



Uqsas jańalyqtar
2025 jyly Araldyń qurǵaǵan tabanynyń ormandaný alańy 1,5 mln gektarǵa jetedi
2022 jylǵy 10 tamyz 14:40

2025 jyly Araldyń qurǵaǵan tabanynyń ormandaný alańy 1,5 mln gektarǵa jetedi

NUR-SULTAN. QazAqparat – 2025 jyly Aral teńiziniń qurǵaǵan ultanynyń ormandaný alańy 1,5 mln gektardy quraıtyn bolady. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Aral teńiziniń qurǵatylǵan bóliginiń aýdany 4,5 mln gektardy quraıdy. Onyń 2,2 mln gektary Qazaqstan Respýblıkasynyń aýmaǵyna keledi. 20 ǵasyrdyń 90-jyldarynan bastap Aral teńiziniń qurǵaǵan tabanyndaǵy Fıtoormanmelıoratsııalyq jumystar 195 myń gektar alqapta júrgizildi. Bul rette tabıǵı ekpelerdi qosa alǵanda, ormandardyń jalpy aýdany 337 myń gektardy quraıdy», - dep atap ótedi Úkimet basshysy jaýabynda.

Onyń dereginshe, Qyzylorda óńirinde ekologııalyq jaǵdaıdy odan ári jaqsartý maqsatynda Aral teńiziniń qurǵaǵan bóliginde kóshkinderdi buǵattaý boıynsha Fıtoormanmelıoratsııalyq jumystar júrgizilýde. Osylaısha, 2022 jyldan 2025 jylǵa deıingi kezeńde jyl saıyn 250 myń gektar fıtoormanmelıoratsııalyq jumystardy oryndaý boıynsha is-sharalar qabyldaý josparlanǵan.

«Osylaısha, 2025 jyldyń sońyna qaraı Aral teńiziniń qurǵaǵan tabanynyń ormandaný alańy 1,5 mln gektardy quraıtyn bolady. Sonymen qatar fıtoormanmelıoratsııalyq jumystary úshin halyqaralyq uıymdardyń (Dúnıejúzilik bank, Halyqaralyq damý jónindegi agenttigi (USAID), German yntymaqtastyq qoǵamy (GIZ) qarjysyn tartý baǵytynda is-sharalar qabyldanýda», - dedi Álıhan Smaıylov.


Foto: pinterest.com



«QazTransGaz Aımaq» tarıfti zańsyz kóterý arqyly 2,3 mlrd teńge paıda tapqan
2022 jylǵy 9 tamyz 15:26

«QazTransGaz Aımaq» tarıfti zańsyz kóterý arqyly 2,3 mlrd teńge paıda tapqan

NUR-SULTAN. QazAqparat – Qarjylyq monıtorıng agenttiginiń Qyzylorda oblysy boıynsha departamenti «QazTransGaz Aımaq» AQ-nyń laýazymdy tulǵalaryna qatysty sotqa deıingi tergeý júrgizip jatyr. Kompanııa joǵary tarıfti qoldaný arqyly 2020-2021 jyldary 2,3 mlrd teńge zańsyz paıda tapqan, dep habarlaıdy QazAqparat vedomstvonyń baspasóz qyzmetine silteme jasap.

«QMA Qyzylorda oblysy boıynsha departamentiniń óndirisinde «QazTransGaz Aımaq» AQ-nyń laýazymdy tulǵalaryna qatysty joǵary tarıfti qoldaný arqyly negizsiz paıda tabý deregimen sotqa deıingi tergeý júrgizilýde. 2020-2021 jyldardaǵy zańsyz qyzmetten túsken qarajat 2,3 mlrd teńge ekendigi anyqtaldy.

«QazTransGaz Aımaq» AQ-nyń fılıaly gaz tasymaldaý qyzmetine monopolııalyq joǵary tarıfti belgilep, tólem alyp otyrǵan.

Tergeý barysynda tabıǵı monopolııalardy retteý Komıtetiniń óńirlik departamentine belgilengen tarıfterge ózgerister engizý týraly usynym jasalyp, nátıjesinde tabıǵı gaz baǵasyna tarıf tómendetildi.

Nátıjesinde, «QazTransGaz Aımaq» AQ-nyń Qyzylorda fılıalynda gaz tasymaldaýǵa kórsetiletin qyzmet úshin shekti tarıf jáne monopolıstik baǵalardy qoldaný kezeńi úshin ótemdik tarıf (árbir 1000m3 kólemge 3 320,45 teńge) belgilendi», - delingen resmı habarlamada.

Qyzylorda oblysynda 1 tamyzdan bastap gaz tarıfi 21 paıyzǵa tómendetildi.


Túrkistan oblysynda munaı-gaz tapshylyǵy joq
2022 jylǵy 9 tamyz 14:35

Túrkistan oblysynda munaı-gaz tapshylyǵy joq

TÚRKІSTAN. QazAqparat- Túrkistan oblysynda munaı-gaz tapshylyǵy joq, dep habarlaıdy QazAqparat tilshisi.

Áleýmettik jelide gaz tapshylyǵy týyndaǵany týraly aqparattar tarap jatyr. Al, bul aqparatty sala mamandary joqqa shyǵardy.

Oblystyq energetıka jáne ınfraqurylymdy damytý basqarmasynyń málimetinshe, Túrkistan oblysyndaǵy avtogaz quıý beketterinde suıytylǵan munaı gazynyń baǵasy 1 lıtr úshin 60-65 teńgeden satylýda.

2022 jyldyń tamyz aıyna oblysqa 12 141 tonna suıytylǵan munaı gazy «PetroKazakstan Oıl Prodakts» JShS zaýytynan berilgen.

Búgingi kúni «PetroKazakstan Oıl Prodakts» JShS zaýytynan oblysqa 40 vagon suıytylǵan munaı gazy temirjol arqyly jiberilip, gaz toltyrý stantsııalaryna quıylýda. Gaz toltyrý stantsııalarynan gaz tasymaldaıtyn kóliktermen avtogaz quıý beketterine tolyq jetkiziledi.

Túrkistan oblysy aýmaǵynda 7 gaz toltyrý beketi ornalasqan. Elektrondyq saýda alańdarynan tys ónim berý jospary sheńberinde ótkiziletin suıytylǵan munaı gazyn-27 gaz jelisi uıymdary, gaz toltyrý stantsııalarynyń, toptyq rezervýarlyq qondyrǵylardyń, gaz toltyrý pýnktteriniń, avtogaz quıý stantsııalarynyń ıeleri alýda. Atalǵan 27 suıytylǵan munaı gazyn satýshy mekemelerliń oblysta 304 avtogaz zapravkalary bar.


Jańalyqtar

Úrdis

MURAǴAT