+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Tengri Bank salymshylary kepildik ótemin qaı bankten jáne qalaı alady

2020 jylǵy 25 qyrkúıek 10:03
Bólisińiz:
Tengri Bank salymshylary kepildik  ótemin qaı bankten jáne qalaı alady

ALMATY. QazAqparat – Qazaqstannyń depozıtterge kepildik berý qory agent bank retinde «Eýrazııalyq bank» AQ tańdady. Qordyń qarajaty esebinen kepildik berilgen ótemdi «Tengri Bank» AQ salymshylaryna osy bank tóleıtin bolady, dep habarlady QazAqparat tilishsi.

«Tengri Bank» AQ depozıtterinde, aǵymdaǵy shottarynda jáne kartochkalarynda qarajaty bar jeke tulǵalar men kásipkerler ótem alýǵa ótinish bere alady.

Kepildik berilgen ótem tóleýge ótinishter qabyldaý 2020 jyldyń 30 qyrkúıeginen bastalady. «Eýrazııalyq bank» AQ bólimsheleri eldegi epıdemıologııalyq jaǵdaıdy eskere otyryp, kezek kútýdi azaıtý maqsatynda «Tengri Bank» AQ salymshylaryna taıaýdaǵy demalys kúnderi – 3 -4 qazanda qosymsha qyzmet kórsetetin bolady. QDKBQ salymshylarǵa agent banktiń bólimshelerine barmaı turyp, onyń saıty arqyly bólimshelerdiń jumys kestesin qaraýy kerek.

Agent bank sondaı-aq ótinishterdi qashyqtan berý jáne ótem somalaryn onlaın tekserý boıynsha optsııalardy qarastyratyn bolady. Bul týraly tolyq aqparatty «Eýrazııalyq bank» AQ saıtynan alýǵa múmkindik bar.

Agent bank arqyly kepildik berilgen ótem tóleý sharasy 12 aı boıy – 2021 jyldyń 30 qyrkúıegine deıin júzege asyrylady. Qor belgilengen merzimniń aıaqtalýyna qaraı agent bankpen aradaǵy kelisimniń qoldanylý merzimin uzartýy múmkin. Agent bank arqyly belgilengen ótem tóleý merzimi aıaqtalǵan soń, «Tengri Bank» AQ salymshylary tólem alý jóninde tikeleı QDKBQ-ǵa ótinish bere alady.

Aıta ketsek, QDKBQ kepildik berilgen ótemdi depozıttegi qaldyq soma sheginde, bank lıtsenzııasynan aıyrylǵan kúnge qaraı eseptelgen syıaqyny eskere otyryp tóleıdi:

– ulttyq valıýtadaǵy jınaq depozıtter boıynsha – 15 mln teńgeden;

– ulttyq valıýtadaǵy basqa depozıtter boıynsha – 10 mln teńgeden;

– jáne shetel valıýtasyndaǵy depozıtter boıynsha – valıýta balamasynda 5 mln teńgeden aspaıdy («Tengri Bank»AQ lıtsenzııasynan aıyrylǵan kúni belgilengen valıýta aıyrbastaý baǵamy boıynsha).

«Tengri Bank» AQ salymshysynyń bankte túri men valıýtasy boıynsha eki jáne odan da kóp kepildendirilgen depozıtteri bar bolsa, agent bank olar boıynsha 15 mln teńgeden aspaıtyn kólemde kepildik berilgen jıyntyq ótem tóleıdi. Bul rette shetel valıýtasyndaǵy depozıttiń 5 mln teńgeden aspaıtyn kepildendirilgen qaldyǵy boıynsha shekteý eskeriledi.

Kepildik berilgen ótemdi alý úshin «Tengri Bank» AQ salymshylary Eýrazııalyq banktiń kez kelgen fılıaly nemese bólimshesine baryp, tólem alýǵa ótinish toltyrýlary qajet. Ótinish blankisin tikeleı agent bankten alýǵa nemese QDKBQ saıtynan elektrondy nusqasyn júktep alyp, aldyn ala toltyrýǵa bolady.

Agent banktiń barlyq qalalardaǵy fılıaldary men bólimsheleriniń mekenjaılary jáne jumys tártibi týraly aqparat www.eubank.kz resmı saıtynda jáne banktiń anyqtama qyzmetinde qoljetimdi: +7 (727) 332 77 22, +7 (771) 000 7722, +7 (700) 000 7722, +7 (702) 010 7722.

Salymshy agent bankke jeke basyn kýálandyratyn qujatpen barýy qajet. Eger salymshynyń ornyna basqa tulǵa ótinish beretin bolsa, quqyq belgileýshi qujattardy da usyný qajet (mysaly, muragerlik quqyǵy týraly kýálik nemese senimhat).

Salymshynyń tegi, aty nemese ákesiniń aty ózgergendigi agent bankte neke qııý týraly kýálikpen nemese Azamattyq hal aktilerin jazý (AHAJ) organy beretin tegin, atyn jáne ákesiniń atyn ózgertý týraly kýálikpen rastalady.

Jekelegen jaǵdaılarda agent bank málimdelgen talaptardyń negizdiligin rastaıtyn qosymsha qujattar suratýǵa quqyly. Kepildik berilgen ótem salymshy qujattary agent bankke kelip túsken kúnnen bastap 5 jumys kúni ishinde tólenedi.

Eske salaıyq, 2020 jyldyń 18 qyrkúıeginde Qazaqstan Respýblıkasynyń Qarjy naryǵyn retteý jáne damytý agenttigi «Tengri Bank» AQ-syn barlyq bank operatsııalaryn júrgizý lıtsenzııasynan aıyrý týraly sheshim qabyldaǵan bolatyn.


Bizdiń kanalymyzǵa jazylyńyz:

#Bankter   #Almaty   #Qoǵam  
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT