+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Temirtaýlyq polıtseıler sýǵa batyp bara jatqan balany qutqaryp qaldy

2020 jylǵy 19 aqpan 13:04
Bólisińiz:
Temirtaýlyq polıtseıler sýǵa batyp bara jatqan balany qutqaryp qaldy

QARAǴANDY. QazAqparat – Temirtaý qalasynyń polıtsııa qyzmetkerleri tehnıkalyq sýǵa toly shuńqyrǵa batyp bara jatqan 11 jastaǵy balany qutqardy, dep habarlaıdy QazAqparat tilshisi.

18 aqpanda Temirtaý qalasynyń 117 oramynda «ArcelorMittal Temirtaý» AQ sý qubyry jarylyp, osyǵan baılanysty patrýldik polıtseıler jol qozǵalysyn toqtatýǵa májbúr bolǵan. Saǵat 18.00-ge jýyq patrýldik narıadqa áıel adam júgirip kelip, shuńqyrǵa batyp bara jatqan balany qutqarýdy surady.

Temirtaý qalasy ІІB patrýldik polıtsııa batalonynyń vzvod komandıri polıtsııa aǵa leıtenanty Ashat Jákenov dereý oqıǵa ornyna kelip, sýǵa belýardan kirip ketken balany kórgen. Tártip saqshysy balany sýǵa toly shuńqyrdan shyǵaryp alyp, arqasyna otyrǵyzyp, ony qaýipsiz jerge alyp shyqqan. Patrýldik mashınada oqýshynyń sý bolyp qalǵan aıaq kıimi men kıimderin sheship, balany polıtseıdiń kúrteshesine orap orap alǵan.

«Ashat Djakenov baladan anasynyń telefon nómirin bilip, onymen baılanysyp, balasynyń sýǵa túsip, ony shyǵaryp, úıine jetkizetinin habarlady. Anasy ulyn úıdiń aýlasynda kútip turdy», - dep habarlaıdy Qaraǵandy oblysy PD baspasóz qyzmeti.

Alaıda, 117 oramdaǵy úılerge kirme joldar sý astynda qalǵandyqtan patrýldik polıtsııa batalony komandıriniń orynbasary polıtsııa kapıtany Áset Bulanbaevqa balany óz kúrteshesine orap, Tótenshe jaǵdaılar basqarmasynyń qyzmetkerlerine berýge týra keldi. Qutqarýshylar balany úıge jol talǵamaıtyn kólikpen jetkizdi.




Bizdiń kanalymyzǵa jazylyńyz:

Basty sózder: Qaraǵandy oblysy, Oqıǵa, Qoǵam,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT