Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

Temirtaýlyq aktrısa Kolıada plays halyqaralyq festıvaliniń laýreaty atandy

2022 jylǵy 2 shilde 01:15

TEMІRTAÝ. QazAqparat – Ekaterınbýrgte on besinshi ret «Kolıada plays» zamanaýı Oral dramatýrgııasynyń halyqaralyq teatr festıvali ótti. Temirtaý balalar men jasóspirimder teatry irikteýden ótken jalǵyz sheteldik teatr boldy. Al jas kórermen teatrynyń aktrısasy Lıýdmıla Gýlýeva festıval nomınanty atandy, dep habarlaıdy QazAqparat tilshisi.

«Kolıada plays» – bedeldi halyqaralyq teatr festıvalderiniń biri. Ony áıgili dramatýrg Nıkolaı Kolıada – qazirgi orys pesasynyń negizin qalaýshy uıymdastyrady.

Bıyl óz shyǵarmashylyǵymen Oralǵa 26 teatr ujymy keldi. Shoýlar men qarym-qatynas aıasynda festıval qatysýshylary qazirgi teatrdyń ne ekenin jáne teatrdyń qazirgi zamanǵy adamdary qandaı bolýy kerek ekenin anyqtaýǵa tyrysty.

Temirtaý teatry festıvalge ekinshi ret qatysyp otyr. Birinshi ret «Jaı ǵajaıyp aqymaq» spektaklin oryndaǵan bolatyn.


«Bul festıvalge qatysý óte qıyn: irikteý óte kúrdeli. Úzdik teatrlar jınaldy. Biz Qazaqstannan jalǵyz boldyq. Festıval alańyna deıingi jol ońaı bolǵan joq. Biz barlyq tirektermen jáne dekoratsııalarmen 27 saǵat boıy júrdik. Jettik-aý degende bizdi jańa qıyndyqtar kútip turdy. Teatrda jaryq óship qaldy, sondyqtan túnde dekoratsııany ornatyp, kostıýmder daıyndaýǵa týra keldi. Biraq bul sońǵy tosynsyılar emes. Qazylar alqasy men Ekaterınbýrgtik TıÝZ kórermenderiniń nazaryna temirtaýlyq teatr ıAroslava Pýlınovıchtiń pesasy boıynsha «Sol bir kún» spektaklin usyndy. Teatr alańy bizdiń sahnadan kishirek ekendigi jáne kórermenderdiń ornalasýy múldem basqasha ekenin baıqadyq. Aıaq asty ımprovızatsııa jasaýǵa, mızanstsenalardy ózgertýge týra keldi. Biraq teatrdyń barlyq akterleri men tehnıkalyq qyzmetkerleri jetistikke jetti. Muny qazylar alqasy baǵalady, olar keremet akterlik jumystan basqa, spektakl janrynyń aıqyn ustamdylyǵyn jáne erekshe rejısserlik oljalardy atap ótti», – deıdi balalar men jasóspirimder teatrynyń jetekshisi Vladımır Drozdetskıı.


«Sol bir kún» qoıylymynyń rejısseri – teatr jetekshisi Vladımır Drozdetskıı. Onyń aıtýynsha, ımprovızatsııa spektaklge de paıda ákeldi.

Festıval qoıylymdary 10 kún ótti. Keshe alty nomınatsııa boıynsha jeńimpazdar anyqtaldy. Olardyń biri temirtaýlyq teatrǵa berildi. Aktrısa Lıýdmıla Gýlýeva ekinshi plandaǵy úzdik áıel róli úshin laýreat atandy.

«Bul men úshin kútpegen jáıt. Men festıvalge spektakldi laıyqty oryndaý nıetimen bardym. Eshqandaı jeńis týraly oı da bolǵan joq. Eń erekshe keremetter kútpegen jerden bolady dep aıtylady. Bul sondaı jaǵdaı boldy. Osy aýqymdaǵy festıvalge alǵash ret qatysyp otyrmyn. Ekaterınbýrgke barý maǵan óte unady, óıtkeni men osy qalada oqydym. Kóptegen jyldar ótken soń, týǵan jerge kelý óte áserli boldy. Ókinishke oraı, áriptesterimmen sóılesýge ýaqyt az boldy», – deıdi Lıýdmıla Gýlýeva.

Aldaǵy bir-eki aıǵa Temirtaý teatry demalysqa ketedi. Biraq jańa teatr maýsymyna josparlar bar. Qyrkúıek aıynda Shymkentke gastroldik saparmen, al qazan aıynda trýppa «Baba Shanel» spektaklimen Kókshetaýǵa «TeART-Kókshe» festıvaline attanady.


Avtor:

Agata Mýhamedjanova

Novostı po teme
Uqsas jańalyqtar
Seriktester jańalyqtary