+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Temirtaýda «Jasyl beldeý» paıda bolady

2021 jylǵy 11 naýryz 18:26
Bólisińiz:
Temirtaýda «Jasyl beldeý» paıda bolady

TEMІRTAÝ. QazAqparat - QR Ekologııa, geologııa jáne tabıǵı resýrstar vıtse-mınıstri Erlan Nysanbaev qala aınalasynda «jasyl beldeý» qurý máselesi boıynsha jumys saparymen Temirtaýda boldy. Bul týraly QazAqparat mınıstrliktiń baspasóz qyzmetine silteme jasap habarlaıdy.

Atalǵan sharany talqylaý boıynsha Temirtaý qalasynyń ákimi, jergilikti atqarýshy organdar, «ArselorMıttal Temirtaý» AQ, Qazaq ǵylymı-zertteý ınstıtýty, «Kazgıproleshoz-KZ» jobalaý ınstıtýty jáne basqa da múddeli vedomstvolar ókilderiniń qatysýymen keńes ótti.

«Temirtaý qalasynda qalyptasqan ekologııalyq jaǵdaı jedel sharalar qabyldaýdy talap etedi. Bıylǵy jyly jańa Ekologııalyq kodeks qabyldandy, sondaı-aq ótken jyly óńirdegi ekologııalyq ahýaldy jaqsartý jónindegi Jol kartasy bekitildi. Bul is-sharalardyń barlyǵy osy baǵytta tıimdi kórsetkishterge qol jetkizýge múmkindik beredi. Temirtaý aınalasynda «jasyl beldeý» qurý da pármendi shara bolatynyna senimdimin», - dedi Erlan Nysanbaev óz sózinde.

Onyń aıtýynsha, Ekologııa mınıstrliginiń «jasyl beldeý» qurý tájirıbesi bar. 1997 jyldan bastap elordanyń aınalasynda «jasyl beldeý» jobasy júzege asyrylýda. 1997-2021 jyldar kezeńinde aǵash otyrǵyzýdyń jalpy aýdany 87 myń ga qurady.

«Nur-Sultan qalasynyń jasyl aımaǵyn qurý kezinde jınaqtalǵan tájirıbe Temirtaý aınalasynda «jasyl beldeý» qurý kezinde de qoldanylady», - dep atap ótti vıtse-mınıstr.

Talqylaý barysynda Qazaq orman sharýashylyǵy ǵylymı-zertteý ınstıtýty men «Kazgıproleshoz-KZ» jobalaý ınstıtýtynyń basshylary jasyl alqapty qalyptastyrýdaǵy óz tájirıbelerimen bólisti, olar «jasyl beldeýdi» qurý kóp ýaqyt pen qarjylyq shyǵyndardy talap etetinin túsindirdi.

«Aǵash otyrǵyzý jáne olardyń jersinýi úshin topyraq taldaýyn júrgizý qajet. Sodan keıin jer jyrtýdy bastaýǵa bolady. Bul jumystar eki jyldan astam ýaqytty alady. Sonda ǵana aǵash otyrǵyzýǵa kirisýge bolady», - dep atap ótti sarapshylar.

«ArselorMıttal Temirtaý» kompanııasynyń basshylyǵy óz kezeginde jobany qoldaýǵa jáne «jasyl aımaqta» 500 myń aǵash otyrǵyzýǵa daıyn ekendikterin bildirdi.

Vıtse-mınıstr jıyn qorytyndysy boıynsha ákimdik «ArselorMıtal Temirtaý» AQ-men birlesip qalanyń aınalasynda «jasyl aımaq» qurý, sondaı-aq, Temirtaýdyń ózin kógaldandyrý jónindegi is-sharalar josparyn ázirleý qajettigin atap ótti.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT