+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Temirtaýda Aıaz ata balalardy órt sóndirý mashınasymen kelip quttyqtady

2019 jylǵy 26 jeltoqsan 00:44
Bólisińiz:
Temirtaýda Aıaz ata balalardy órt sóndirý mashınasymen kelip quttyqtady

QARAǴANDY. QazAqparat – Temirtaýda órt sóndirý bóliminiń qyzmetkerleri Jańa jyl qarsańynda balalardy erekshe tosynsyımen qýantty. Órt sóndirýshiler Aıaz Ata jáne Aqshaqarmen birge balalardy arnaıy mashınalarǵa otyrǵyzyp alyp kelip, kele jatqan mekemen quttyqtady, dep habarlaıdy QazAqparat tilshisi.

Temirtaý qalasynyń №2 Mamandandyrylǵan órt sóndirý bóliminiń №4 qaraýylynyń órt sóndirýshileri Aıaz Ata jáne Aqshaqardy jol talǵamaıtyn kólik jáne órt sóndirý mashınalaryna otyrǵyzyp alyp, Qaraǵandy oblysynyń kámeletke tolmaǵandardy beıimdeý ortalyǵynyń balalaryn quttyqtaýǵa bardy. Ortalyqtyń aýlasynda olardy balalar taǵatsyzdana kútip turdy. Búldirshinder olarǵa Aıaz Ata men onyń nemere qyzy qandaı shanamen kelgenine tań qaldy, sebebi mundaı tehnıkany kópshilik alǵash ret kórgen edi. Qýanyshty balalar órt sóndirýshilerdi qonaqqa shaqyryp, ortalyqta umytylmas kesh ótkizdi. Barlyǵy kóńildi, qyzyqty oıyndar oınap, áserli bıdi birigip bıledi.

Órt sóndirýshiler merekelik keshke bos qol kelgen joq. Olar balalarǵa jańa jyldyq syılyqtar, táttiler syılady. Zaldan eshkim syılyqsyz ketken joq.

Mereke sońynda jaýyngerler balalardy dalaǵa shyǵaryp, órt sóndirý tehnıkasy men jabdyqtaryn kórsetip, jol talǵamaıtyn jáne batpaqta jáne qarda júretin kólikterge mindi.

Balalar shyn júrekten órt sóndirýshilerge ótkizilgen mereke úshin alǵys aıtyp, densaýlyq, jumysta tabys tiledi. «Órt sóndirýshi bolý úshin ne isteý kerek?» degen suraqtaryn qoıyp, oǵan jaýap aldy. Múmkin, dál osy balalar bolashaqta órt sóndirýshiler qataryn toqtyrar, deıdi mamandar.

Bul merekeni kámeletke tolmaǵandardy beıimdeý ortalyǵynyń balalary úshin №4 MÓSB órt sóndirýshileri óz qarajatyna uıymdastyrdy. Olar 70-ke jýyq balaǵa jańa jyldyq syılyqtardy satyp aldy.

Óz kezeginde ortalyq basshylyǵy jetim balalarǵa, ómirlik qıyn jaǵdaıda jáne ata-ana qamqorlyǵynsyz qalǵan balalarǵa quttyqtaý aktsııasyn ótkizgeni úshin jaýyngerlerge alǵys hat tapsyrdy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT