+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Temirtaý JEO-synda qazandyqtardy jóndeýge jylyna 2,5-3 mlrd teńge jumsalady

2021 jylǵy 4 naýryz 01:51
Bólisińiz:
Temirtaý JEO-synda qazandyqtardy jóndeýge jylyna 2,5-3 mlrd teńge jumsalady

TEMІRTAÝ. QazAqparat – Bıyl Temirtaýda jeke sektor men áleýmettik qala turǵyndaryn sýmen qamtamasyz etý máselesi sheshiledi. Al turmystyq aǵyndy sýlardy burý túıitkili kelesi kezekte sheshimin tabatyn bolady, dep habarlaıdy QazAqparat tilshisi.

Metallýrgter qalasynyń damýy týraly Qaraǵandy oblysynyń ákimi Jeńis Qasymbekke Temirtaýǵa jumys sapary barysynda baıandaldy.

Óńir basshysy «ArselorMıttal Temirtaý» 2-JEO-ny aralaýdan bastady. Ol temirtaýlyqtardyń shaǵymdary ádil ekenin, qaladaǵy jylý máselesi jaqsartýdy talap etetinin atap ótti. Tek osy jylytý kezeńinde JEO-2-de 30 tehnologııalyq isten shyǵý tirkeldi. Bul, jalpy alǵanda 16 kúnge temperatýralyq rejımniń buzylýyna alyp keldi. Olardyń barlyǵy jabdyqtyń tozýyna baılanysty.

Jeńis Qasymbekke qazir bes qazandyq jumys istep, altynshy qazandyq rezervte turǵany baıandaldy.

«Ókinishke oraı, jyl saıynǵy jóndeý kásiporynnyń turaqsyz jumysynyń máselelerin sheshpeıdi. Jyl saıyn shamamen 2,5-3 mlrd teńge jumsaısyzdar - bul az aqsha emes, biraq eshqandaı senimdilik joq. Sondyqtan túbegeıli sheshimder qabyldaý kerek, atap aıtqanda jetinshi qazandyq salý kerek. Bul jobany júzege asyrmaıynsha jylytý maýsymynda turaqtylyqty kóre almaımyz», - dedi Jeńis Qasymbek.

«Jetinshi qazandyq boıynsha joba ınvestıtsııalyq kelisim boıynsha baǵdarlamaǵa engizildi. Qurylysty keshiktirýdiń negizgi sebebi - ınvestıtsııa somasy 42 mıllıonnan 72 mıllıon dollarǵa deıin ósti. Bul ǵımarat qazandyqty ornalastyrýǵa jaramsyz bolǵandyqtan bolyp otyr. Men qosymsha somany maquldaý týraly ótinish berdim. Jaýapkershilikti óz moınyma alyp, jumystardyń bastalýyna tapsyrma berdim», - dep oblys basshysyna jaýap berdi «AMT» bas dırektory Bıjý Naır.

Sondaı-aq, Jeńis Qasymbekti kommýnaldyq sıpattaǵy taǵy bir másele - áleýmettik qalada sharýashylyq nájis kárizin salý máselesi alańdatty. Temirtaý ákimi Qaırat Begimovtiń aıtýynsha, jobanyń quny – 2 mlrd teńge. Aqshanyń bir bóligi bólinip, bıyl aýdanda sý máselesi sheshiletin bolady. Sý qubyry 1 100 úıge júrgiziledi. Káriz jelileriniń qurylysy merzimi boıynsha kelesi jyly aıaqtalady.

Jeńis Qasymbek sonymen qatar qalalyq qurylys alańdaryn tekserdi. Temirtaýda qazir 216 páterlik eki jaldamaly úı salynýda. Bıyl baspana kezeginde turǵandar úshin taǵy 257 páterdiń qurylysyn bastaý josparlanyp otyr.

Temirtaýda aýla alańdary salynyp qana qoımaı, jumys istemeıtin lıftiler aýystyrylýda. Jospar boıynsha 23 aýla men kótergishterdi retke keltirý kerek.

«Ózderińiz biletindeı, oblysta 360 jumys istemeıtin lıft bar. Biz aldymyzǵa osy jyl ishinde bárin jańartý mindetin qoıdyq. Temirtaýda ótken jyly 32 kótergish aýystyryldy, bul jumysty odan ári jalǵastyramyz», - dep habarlady Jeńis Qasymbek turǵyndarmen kezdesýde.

Jumys saparynyń sońynda qala belsendileriniń shaqyrýymen oblys ákimi Temirtaý qalasy ákimdiginiń qoldaýymen jergilikti turǵyndar salǵan muz aıdynynda boldy. Sondaı-aq qoǵamdyq kólikterdi qarap shyqty. Jergilikti avtopark 22 jańa avtobýs satyp aldy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT