Temirtaý turǵynynan jarty keliden astam gashısh tárkilendi

TEMІRTAÝ. QazAqparat – Temirtaýda turatyn jas jigitten jarty keliden astam gashısh tárkilendi, dep habarlaıdy QazAqparat Polisia.kz-ke silteme jasap.

Uqsas jańalyqtar

SQO turǵyny 14,5 keli esirtkimen ustaldy

Óskemen turǵynynan 2 mln teńgeniń esirtkisi tárkilendi Elordada tirkelgen qylmystardyń sany 30 paıyzǵa qysqardy Pavlodarda esirtki satýmen aınalysqan qylmystyq top músheleri uzaq merzimge sottaldy

Temirtaý qalasy Polıtsııa basqarmasynyń esirtkige qarsy is-qımyl bóliminiń qyzmetkerlerine belgisiz bir azamattyń esirtki satyp júrgeni týraly aqparat kelip túsken. Jedel tekserý barysynda polıtsııa qyzmetkerleri osy iske qatysy bar degen kúdikpen 28 jastaǵy azamatty qolǵa túsirdi. Ustalǵan azamattyń úıine júrgizilgen sanktsııalanǵan tintý kezinde kireberistegi shkaftan on polımerlik paketke oralǵan untaqtalǵan zat alyndy. Sondaı-aq qonaq bólmesinen de osyǵan uqsas zattar tárkilendi. Saraptama qorytyndysyna sáıkes tárkilengen zattardyń jalpy salmaǵy 615 gr gashısh ekeni anyqtaldy.

Atalǵan fakt boıynsha Qazaqstan Respýblıkasy Qylmystyq kodeksiniń 297- babyna sáıkes (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha qylmystyq is qozǵalyp, tergeý amaldary júrgizilýde.