+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Telegraf agenttiginen medıaholdıngke deıin - QazAqparattyń 100 jyldyq tarıh joly

2020 jylǵy 13 tamyz 07:30
Bólisińiz:
Telegraf agenttiginen medıaholdıngke deıin - QazAqparattyń 100 jyldyq tarıh joly

NUR-SULTAN. QazAqparat - Búgin, 13 tamyz kúni elimizdegi eń kóne medıaresýrstardyń biri - «QazAqparat» halyqaralyq aqparat agentigine 100 jyl tolyp otyr. Tarıhy sonaý 1920 jyldyń 13 tamyzynda Orynbor qalasynda qurylǵan sátten bastalatyn agenttik ǵasyrlyq jolynda Qazaqstannyń astanasy bolǵan Qyzylorda, Almaty qalalaryna kóship, búginde Nur-Sultan qalasyna qonystanǵan.

Qazaqstan aýmaǵyndaǵy birinshi aqparat agenttigi Orynborda Reseı telegraf agenttiginiń (ROSTA) Orynbor-Torǵaı bólimshesi retinde quryldy. Odan keıin ataýy san márte ózgerip, QyrROSTA, QazROSTA bolsa, 1937 jyldan agenttik QazTAG dep ataldy jáne TASS-tyń - Keńes odaǵy telegraf agenttiginiń quramynda boldy.

Qazaqstan táýelsizdik alǵannan keıin 1991 jyldyń shildesinde tek respýblıka Úkimetine ǵana baǵynatyn Qazaq memlekettik aqparat agenttigi - QazTAG retinde qaıta jasaqtaldy. Al 6 jyl ótkennen keıin QazTAG bazasynda «Qazaq aqparat agenttigi» QazAAG quryldy. 2002 jyly «Qazaq aqparat agenttigi» ulttyq kompanııasy» aktsıonerlik qoǵamyna aınaldy. Sol jyldyń 22 qańtarynda agenttiktiń portaly alǵash ret jumys isteı bastady.

Bul agenttik ataýynyń sońǵy ret ózgertilýi emes edi. 2019 jyldyń jeltoqsanynda buǵan deıin jeke kompanııa retinde jumys istegen «Qazkontent» AQ-pen birigip, «QazAqparat» halyqaralyq aqparat agenttigi» aktsıonerlik qoǵamy quryldy.

Qazirgi sátte «QazAqparat» - bul halyqaralyq deńgeıdegi mártebesin alǵan Qazaqstandaǵy birinshi, jetekshi memlekettik aqparat agenttigi. Ol 100 jyl boıy saıasat, ekonomıka, bilim, densaýlyq, sport, mádenıet jáne qoǵam tynys-tirshiligi týraly senimdi ári jedel aqparat kózi retinde bedelin múltiksiz saqtap keledi.

QazAqparat arqyly Prezıdent Ákimshiligi, Parlament, Úkimet, óńirlik bılik organdarynyń, ulttyq qarjylyq jáne ónerkásip qurylymdardyń qyzmeti týraly resmı aqparat taralady.

Búginde agenttiktiń jańalyqtary inform.kz web-portalynda qazaq, orys, aǵylshyn, qytaı jáne ózbek tilderine taratylady. Buǵan qosa memlekettik tildegi materıaldar sheteldegi qandastarymyz úshin latyn álipbımen jáne tóte jazýmen de berilip otyrady.

QazAqparatta ózge otandyq aqparat agenttikterinde joq tilshiler jelisi bar. Eldiń barlyq aımaqtarynda 15 tilshiler pýnkti ornalasqan. Reseı, Qytaı, Túrkııa, Eýropa, Ázerbaıjan, Ózbekstan, Qyrǵyzstan, Taıaý Shyǵys elderinde menshikti tilshileri bar. Bul elimizde jáne álemde bolyp jatqan jańalyqtardy jedel ári shynaıy taratýǵa múmkindik beredi.

Búginde qazaqstandyq jańalyq taratatyn ınternet-resýrstar arasynda QazAqparat úzdik ondyqtyń qataryna kiredi. Web-portalǵa ortasha eseppen alǵanda 100 myń adam kiredi. Agenttik portalyn paıdalanýshylardyń geografııasy men aýqymy tań qaldyrady, ol 229 eldi qamtıdy. Búgingi tańda QazAqparat áleýmettik jelilerde belsendi jumys júrgizedi. Facebook , VKontakte, Twitter , Odnoklassnıkı, Instagram áleýmettik jelilerindegi arnalar men paraqshalaryna jazylýshylardyń jıyntyq sany 300 000 adamnan asyp túsedi.

QazAqparat ujymy - bul belgili tele- jáne radıojýrnalıster, Qazaqstan Respýblıkasy Prezıdenti syılyǵynyń laýreattary, halyqaralyq jáne aımaqtyq konkýrstardyń jeńimpazdary, qurmet ataqtary men syılyqtarynyń ıegerleri. Agenttik óńirde eń birinshi bolyp halyqaralyq mártebe alyp, 2015 jyldyń jeltoqsanynda ISO 9001:2008 standarty talaptary boıynsha sapa menedjmenti júıesiniń sertıfıkattaýynan ótti.

OANA Halyqaralyq aqparat agenttikteri qaýymdastyǵynyń (Tynyq muhıty jáne Azııa elderi aqparat agenttikteriniń uıymy), TMD elderindegi ulttyq aqparat agenttikteri qaýymdastyǵynyń (UAAQ), Túrki tildes elderdegi aqparat agenttikteri uıymynyń (TKA), TÚRKІSOI halyqaralyq uıymynyń, orys baspasóziniń búkilálemdik qaýymdastyǵynyń, Búkilálemdik gazet qaýymdastyǵynyń (WAN IFRA) múshesi QazAqparattyń búginde álemniń kóptegen elderinde medıa seriktesteri bar.


QazAqparat halyqaralyq aqparat agenttiginiń ǵasyrlyq tarıhy jaıynda grafıkalyq longrıdpen myna silteme arqyly tanysa alasyz.
Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT