+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Tel-Avıvte Qazaqstannyń Táýelsizdik kúnine arnalǵan dóńgelek ústel ótti

2019 jylǵy 8 jeltoqsan 15:32
Bólisińiz:
Tel-Avıvte Qazaqstannyń Táýelsizdik kúnine arnalǵan dóńgelek ústel ótti

TELЬ-AVIV. QazAqparat - Tel-Avıv qalasynyń Jýrnalıstter úıinde Qazaqstan Elshiligi Qazaqstan men Ortalyq Azııadan shyqqan repatrıanttar uıymynyń qoldaýymen elimiz táýelsizdiginiń 28-jyldyǵyna oraı dóńgelek ústel ótkizdi.

Uqsas jańalyqtar
Qazaqstanda júrgen sheteldikterdiń vızalary 20 sáýirge deıin uzartylady Asqar Mamın Reseı, Ózbekstan, Qyrǵyzstan jáne Tájikstannyń úkimet basshylarymen telefon arqyly sóılesti Tótenshe jaǵdaı rejımi kezinde shekara arqyly ótýge qandaı jaǵdaıda shekteý qoıylady

Bul týraly QR Izraıl memleketindegi elshiligi habarlady.

Іs-sharaǵa Izraıldiń ǵylymı jáne sarapshylyq toptarynyń ókilderi qatysty.

Tótenshe jáne ókiletti elshi Satybaldy Burshaqov óz sózinde qatysýshylarǵa Qazaqstan men Izraıl arasyndaǵy yntymaqtastyqtyń damýy, memleketimizdiń syrtqy saıası kún tártibi jáne Prezıdent Qasym-Jomart Toqaev saıasatynyń basymdyqtary týraly aıtyp berdi.

Dóńgelek ústeldiń basty baıandamashylary qyrkúıek aıyndaǵy Prezıdenttiń Qazaqstan halqyna Joldaýyn júzege asyrýǵa jáne memlekettik basqarý júıesin taldaýǵa nazar aýdardy. Sonymen qatar, sarapshylar qazirgi Qazaqstannyń qalyptasýy men gúldenýine zor úlesin qosqan Elbasy - Nursultan Nazarbaevtyń erekshe rólin atap ótti.

Saılaý júıelerin zertteý jónindegi halyqaralyq ortalyqtyń múshesi Aleksandr Tsınker Qazaqstanda bıylǵy kóktemde bolǵan prezıdent ókilettigin tapsyrý protsesine jete toqtalyp, onyń memlekettik bılikti tapsyrý stsenarııleriniń eń tańdaýlysy ekenin atap ótti.

Saıasatker ıÝrıı Bocharov óz baıandamasynda Prezıdent Qasym-Jomart Toqaevtyń Joldaýynyń negizgi qaǵıdalaryn taldaı kele, bul mańyzdy baǵdarlamanyń halyqty áleýmettik qorǵaýǵa, ınvestıtsııalardy tartý jáne Qazaqstan ekonomıkasyn yntalandyrýǵa baǵyttalǵanyna nazar aýdardy.

Ierýsalım ýnıversıtetiniń professory Vladımır Mesamed Qazaqstan men Izraıl qarym-qatynastarynyń damýynyń mańyzdylyǵyn tilge tıek etip, taraptardyń halyqaralyq uıymdar sheńberinde belsendi árekettesýin erekshe aıtty.

Dóńgelek ústeldiń qorytyndysy boıynsha qatysýshylar Qazaqstan men Izraıl arasyndaǵy yntymaqtastyqtyń damýyna birlesip kúsh salatyny týraly kelisti.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT