Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

Tekelide laı kóshkini júrip 5 jasar bala joǵalyp ketti

2022 jylǵy 15 mamyr 16:19

TEKELІ. QazAqparat - Tekeli qalasynda laı kóshkini júrip, bes jastaǵy bala joǵalyp ketti, dep habarlaıdy QazAqparat tilshisi.

«Oqıǵa búgin bolǵan. Saǵat 12:00 shamasynda tótenshe jaǵdaılar qyzmetine laı kóshkini júrgendigi jóninde habarlama tústi. Saldarynan Qonaev kóshesiniń boıyndaǵy bir úı búlingen, tórt úıdiń aýlasyn batpaq basqan. Qazir bes jastaǵy qyz bala joǵalyp ketti, izdestirý jumystary júrip jatyr»,- dedi Almaty oblystyq Tótenshe jaǵdaılar departamentiniń baspasóz qyzmetiniń ókili Azamat Jurtbaev.

Sonymen qatar Tótenshe oqıǵa ornynda Almaty oblysy ákiminiń birinshi orynbasary Lazzat Turlashovtyń jetekshiligimen oblystyq jedel shtab quryldy. Shtab jumysyna oblystyq TJD basshylyǵy, oblys ákiminiń orynbasary Batyrjan Baıjumanov, Polıtsııa departamenti tartyldy.


Oqıǵa ornynda júzdegen adam ýchaskelerge bólinip, arnaıy mamandar men qutqarýshylar jumys isteýde. Olar kınologııalyq qyzmetti jumyldyra otyryp izdeýdi jalǵastyrýda.
Vedomstvonyń ókili, ázirge batpaq júrýine jaýynnan ózge qubyrdyń da jarylýy sebep bolýy múmkin ekenin aıtty. Ázirge bul boljam ǵana.


Avtor:

Samal Qabysheva

Novostı po teme