+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Tekeli qalasynyń ákimi otstavkaǵa ketti

2020 jylǵy 21 qyrkúıek 15:43
Bólisińiz:
Tekeli qalasynyń ákimi otstavkaǵa ketti

TALDYQORǴAN. QazAqparat - Tekeli qalasynyń ákimi Baqtııar Ónerbaev otstavkaǵa ketti. Bul jóninde ol óziniń Facebook paraqshasynda jazdy, dep habarlaıdy QazAqparat tilshisi.

«Men Qazaqstan Respýblıkasynyń «Memlekettik qyzmet týraly» zańyna sáıkes, zań ústemdigin qurmet tutatyn azamat retinde óz erkimmen otstavkaǵa suranyp, ótinish jazdym. Jáne búgin oblys ákimi Amandyq Ǵabbasuly otstavkamdy qabyldady», - dep jazdy Tekeli qalasynyń ákimi Baqtııar Ónerbaev.

Esterińizge sala keteıik, Tekeli qalasy ákimdiginiń apparat basshysy paramen ustalyp, qylmysy sotpen dáleldengen bolatyn. Osy jaǵdaıǵa baılanysty B.Ónerbaev zań boıynsha ostavkaǵa ketý jóninde aryz jazǵan .

«2016 jyldyń qarasha aıynan bastap ózderińizdiń qoldaýlaryńyzben osy ýaqytqa deıin azdy-kópti qyzmet atqardym. «Jer jánnnaty - Jetisýdyń» jaýhary bolǵan Tekeli qalasynda ákim bolyp qyzmet etkenimdi úlken mártebe sanaımyn. Sizdermen birge qoıan-qoltyq Tekeliniń ósip-órkendeýine, damýyna qoldan kelgenshe úles qostyq. Árıne, áli kúnge deıin kóp máselelerdiń túıini sheshilmegeni meni de mazalaıdy. Bir qýantatyn jáıt – Tekeli qalasyndaǵy eń ózekti máselelerdiń biri bolǵan sý máselesi jartylaı sheshildi, endi jalǵasyn tappaq. Ekinshisi – ekologııalyq másele, ıaǵnı qorǵasyn-myrysh zaýytynyń qala ortasynda jatqan óndiristik qaldyǵynyń rekýltıvatsııasy jobasy bastaldy, jyldyń sońyna deıin aıaqtalý qajet. Osy tórt jyl ishinde sizderden qoldaý kórip, qalany kórkeıtýge biregeı úles qosqanymyz úshin sizderge alǵysym sheksiz», - dep tolyqtyrǵan ol.

Aıta keteıik, Tekeli qalasy ákimdiginiń apparat basshysy 1,5 mln teńge paramen ustalyp, qylmysy dáleldengen bolatyn. 1978 jylǵy sheneýnik endi alǵan parasyn on ese qylyp memleketke qaıtaryp, ómir boıyna memlekettik qyzmette jumys isteý quqyǵynan aıyryldy.

Sot oǵan 15 mln teńge aıyppul saldy. Alǵashqy eńbek jolyn qarapaıym kúzetshi bolyp bastaǵan Tekeli qalasy ákiminiń apparat basshysy paramen ustalǵanda aǵyny kúshti sýǵa sekirip, óz ómirine qaýip tóndirip qashqan bolatyn.

Zań boıynsha qolastyndaǵy memlekettik qyzmetker paramen ustalsa, onyń basshysy qyzmetinen ketýi tıis.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT