+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Tek ósimi toqtady – UQK polkovnıgi destrýktıvti aǵymǵa ergendermen jumys jaıly

2019 jylǵy 6 qarasha 14:33
Bólisińiz:
Tek ósimi toqtady – UQK polkovnıgi destrýktıvti aǵymǵa ergendermen jumys jaıly

NUR-SULTAN. QazAqparat – Ulttyq qaýipsizdik komıtetiniń teologtarmen, dintanýshylar birge júrgizgen jumystary tek destrýktıvti ıdeologııany ustanatyn azamattar sanynyń ósimin toqtatqan. Osyǵan baılanysty QR UQK terrorızmge qarsy ortalyq bastyǵynyń orynbasary Sergeı Shveıkın bul baǵytta aldyn alý jumysy barynsha kúsheıtiletinin málim etti, dep habarlaıdy QazAqparat tilshisi.

Uqsas jańalyqtar
Dáýren Abaev Saýd Arabııasynyń Islam mınıstrimen jat aǵymdardan japa shekkenderdi ońaltý máselesin talqylady «Jarkent meshiti» sáýlet-kórkemóner mýzeıi -Jetisýdyń jaýhary Baıqońyrda destrýktıvti aǵymdy ustanýshy sottaldy

«Qylmystyq atqarý júıesi mekemelerinde júrgiziletin aldyn alý jumystarynyń sapasy eń aldymen, din salasyndaǵy mamandardyń kásibıligine tikeleı baılanysty. Ekstremızm men terrorızm úshin sottalǵan adamdarmen jumys aıtarlyqtaı kúrdeli. Dese de, bul baǵytta da naqty úlgiler barshylyq. Ótken jyly ǵana 144 sottalǵan azamattyń dinı kózqarasyn ózgertýge qol jetkizildi», - dedi Sergeı Shveıkın elordada ótip jatqan Qazaqstan Dintanýshylarynyń HІ forýmynda.

Onyń aıtýynsha, quzyrly vedomstvo tarapynan mamandardyń biliktiligin arttyrý jumysyna basa mańyz beriledi.

«2015 jyldan beri arnaıy qurylǵan UQK-nyń Terroızmge qarsy daıyndyq ortalyǵynda biliktiligin arttyrý kýrstary uıymdastyrylǵan bolatyn. Aqparattyq túsindirý toptarynyń músheleri aqparattyq turǵyda yqpal etý tehnologııalaryn jetildirip, bizdiń psıhologtarǵa opponentke psıhologııalyq aqparattyq yqpal etý amal-ádisteri úıretilýde, tulǵanyń psıhologııasy zerttelip, áńgimelesý joldary zerdelenedi. Atalǵan kontıngentpen jumys barysynda osy amal-ádister qoldanylyp jatqanyna senimdimiz», - dedi ol.

Sergeı Shveıkınniń aıtýynsha, qazirgi tańda teologtarmen, dintanýshylar birge júrgizilgen jumystar tek destrýktıvti ıdeologııany ustanatyn azamattar sanynyń ósimin toqtatqan.

«Bolashaqta aldyn alý jumystary olardyń sanyn azaıtýy kerek. Terrorızmge qarsy ortalyqtyń pozıtsııasy: biz kez kelgen bastamany qoldaýǵa daıynbyz», - dedi Sergeı Shveıkın

Eske sala ketsek, elordada búgin Qazaqstan Dintanýshylarynyń HІ forýmy ótip jatyr. Sergeı Shveıkın jıynda Qazaqstanda destrýktıvti aǵymdy ustanatyndardyń sany 20 myńnan asatynyn aıtqan edi. Óz kezeginde Qazaqstan musylmandary Dinı basqarmasynyń tóraǵasy, Bas múftı Serikbaı qajy Oraz túrmelerde qyzmet etetin ımamdarǵa jalaqy taǵaıyndaýdy usyndy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT