+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Tájikstanda dabyl jarııalanyp, 230 myń adamnyń jaýyngerlik daıyndyǵy tekserildi

2021 jylǵy 22 shilde 19:33
Bólisińiz:
Tájikstanda dabyl jarııalanyp, 230 myń adamnyń jaýyngerlik daıyndyǵy tekserildi

DÝShANBE. HOVAR–QazAqparat – Búgin Tájikstan Respýblıkasy Prezıdenti, Ult Kóshbasshysy, Tájikstan Qarýly Kúshteriniń Joǵarǵy Bas qolbasshysy, armııa generaly Emomalı Rahmonnyń buıryǵymen Tájikstan táýelsiz memleketiniń tarıhynda tuńǵysh ret respýblıka boıynsha Qarýly kúshterdiń, quqyq qorǵaý organdarynyń jáne jumyldyrý rezervteriniń jeke quramynyń «Marz-2021» (Shekara-2021) atty jaýyngerlik ázirligin tekserý bastaldy, dep habarlaıdy QazAqparat Hovar agenttigine silteme jasap.

Uqsas jańalyqtar

Qarýly kúshter men quqyq qorǵaý organdarynyń 100 myń áskerı qyzmetshisi, sondaı-aq 130 myń jumyldyrý rezerviniń ofıtserleri men sarbazdary, jalpy 230 myń adam operatsııanyń belgilengen aýdandarynda dabyl boıynsha jınalyp, ózderiniń jaýyngerlik daıyndyǵyn tekserdi.

Hovar habarlaǵandaı, 20 myń jumyldyrý rezerviniń ofıtserleri men sarbazdary shekara áskerleriniń bólimshelerin tolyqtyrý úshin Tájikstannyń Aýǵanstan Islam Respýblıkasymen shekaralas aýdandaryna qosymsha jiberildi.

Tájikstan Respýblıkasy Prezıdenti, Ult Kóshbasshysy, Tájikstan Qarýly Kúshteriniń Joǵarǵy Bas qolbasshysy, armııa generaly Emomalı Rahmon «Marz-2021» jaýyngerlik ázirligin tekserýdi aıaqtaǵan Qarýly Kúshterdiń, quqyq qorǵaý organdarynyń áskerı qyzmetshileri men jumyldyrý rezerviniń ofıtserleri men sarbazdarynyń áskerı paradyna qatysýshylarǵa sóz sóılep, is-sharanyń joǵary deńgeıde ótkenin aıtty.

Buǵan deıin Tájikstanda Aýǵanstanmen shekarany nyǵaıtý úshin rezervten 20 myń áskerı qyzmetshi qosymsha jumyldyrylady dep habarlanǵan bolatyn. Hovardyń habarlaýynsha, 4-nen 5 shildege qaraǵan túni «Talıban» qozǵalysynyń sodyrlary Tájikstan Respýblıkasymen uzyndyǵy 910 shaqyrym bolatyn Badahshan Ira provıntsııasynyń Hohon, Shıkaı, Nýsaı, Mohımaı, Shýgnon jáne Sultan Ishkashım ýezderin tolyq baqylaýǵa aldy.

Bizdiń kanalymyzǵa jazylyńyz:

#Álem   #Tájikstan   #Ásker  
Bólisińiz:

Avtor:

Gúlzat Aqjolova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT