USD 434.34 EUR 491.93
RUB 5.56 CNY 68.67
Jańalyqtar

Tájikstan prezıdenti tájik-aýǵan shekarasynda erlikpen kóz jumǵan qazaq sarbazyn marapattady

2021 jylǵy 7 qazan 14:01
Bólisińiz:
Tájikstan prezıdenti tájik-aýǵan shekarasynda erlikpen kóz jumǵan qazaq sarbazyn marapattady

NUR-SULTAN. QazAqparat - Tájikstan Respýblıkasynyń Prezıdenti Emomalı Rahmon qazaqstandyq shekarashyny nagradtady, dep habarlaıdy QazAqparat Ulttyq qaýipsizdik komıtetiniń baspasóz qyzmetine silteme jasap.

Tájikstan Respýblıkasy Prezıdentiniń 2021 jylǵy 30 qyrkúıektegi № 252 Jarlyǵymen Respýblıka Táýelsizdiginiń 30 jyldyǵyna jáne qyzmettik boryshyn oryndaý kezinde tanytqan erligi men janqııarlyǵy úshin kishi serjant Radjan Armııauly Batyrqanov 1-shi dárejeli «Spıtamen» ordenimen nagradtaldy (qaıtys bolǵannan keıin).

Tájikstan halqy 1993-2001 jyldar aralyǵynda tájik-aýǵan shekarasynda áskerı boryshyn ótegen jeke qurama atqyshtar batalonynyń áskerı qyzmetshileri kórsetken erligin eske alyp, qurmet tutady.

Aıta keteıik, Radjan Armııauly (1975-1994) - jaýynger-ınternatsıonalıst, batyr-shekarashy.

Jeke qazaqstandyq qurama batalony Kúrshim vzvodynyń quramynda qyzmet atqardy.

1994 jyly 28 qyrkúıekte Horog shekara jasaǵynyń ýchaskesinde tájik oppozıtsııasynyń eki júzden astam Hakım bastaǵan sodyrlary Vıshorov shatqalyndaǵy 5-shi jáne 6-shy shekara zastavalarynyń túıisken jerinen buzyp ótýge tyrysty.

Bul urysqa qazaqstandyq qurama batalonnyń jeke quramy belsene qatysty.

Hakım sodyrlary 9 júk kóligi jáne eki «ÝAZıkpen» Kalaı-Hýmb aýdanynyń ortalyǵy arqyly Aýǵanstan Islam memleketine ótý nıetimen memlekettik shekara syzyǵynyń boıyndaǵy Horog baǵytyna bet aldy.

Lektiń qozǵalysyn «Qara qol» laqap atymen belgili bolǵan sodyr basqardy ( keıinnen «Hattab» dep tanylǵan halyqaralyq terrorıst, 1995 jyldan 2002 jylǵa deıin Sheshenstandaǵy Reseı federaldy kúshterine qarsy soǵysqa qatysqan sheshen separatısteriniń jetekshisi ).

Bul urysta Radjan Batyrqanov qarýly sodyrlarmen bolǵan qııan-keski shaıqasqa birinshi bolyp kirdi.

Óz ómiriniń qunymen qarýlastaryn qutqaryp qana qoımaı, urysta jeńiske jetýine jol ashty.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT