Jańalyqtar  >
Taıtóbe aýylyndaǵy jarylysqa qatysty qylmystyq is qozǵaldy
2022 jylǵy 15 tamyz 15:31

Taıtóbe aýylyndaǵy jarylysqa qatysty qylmystyq is qozǵaldy

KÓKShETAÝ. QazAqparat – Aqmola oblysynyń Taıtóbe aýylyndaǵy jarylysqa baılanysty qylmystyq is qozǵaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, atalǵan derek Qylmystyq kodekstiń 292-babynyń 2-bóligi (órt qaýipsizdigi talaptaryn buzý) boıynsha sotqa deıingi tergep-tekserýdiń biryńǵaı tiziliminde tirkeldi.

«Oqıǵa 14 tamyzda bolǵan. Jarylys bolǵan úı ıesi men onyń aǵasy kómirdi suryptaýmen aınalysqan. Jumys kezinde belgisiz zattyń jarylýy oryn aldy, nátıjesinde úı ıesi oqıǵa ornynda kóz jumdy. Ekinshi er adam men onyń jas balasy túrli jaraqattarmen Nur-Sultan qalasynyń emdeý mekemelerine jatqyzyldy. Qazirgi ýaqytta qaıǵyly oqıǵaǵa qatysty tehnıkalyq saraptamasyn taǵaıyndady», - dedi vedomstvodan.

Aıta ketsek, Aqmola oblysynda belgisiz zat jarylyp, er adam qaza tapqan edi.


Seriktester jańalyqtary

Jańalyqtar

Úrdis

MURAǴAT